14/02/2026
255 جار خوێنراوەتەوە
گەڕێكی دیكەی دانوستانی ڕووسیا و ئۆكرانیا بەڕێوەدەچێت
پەیام
گەڕێكی دیكەی دانووستانی ڕاستەوخۆی نێوان ڕووسیا و ئۆكرانیا سێ ڕۆژى دیکە بەڕێوەدەچێت و وتەبێژی سەرۆكایەتی رووسیاش دەڵێت: لە سویسرا ئەنجام دەدرێت.
دیمیتری پیسكوف، وتەبێژی كۆشكی سەرۆكایەتی ڕووسیا (كرملن)، رایگەیاند: 17 و 18ـی ئەم مانگە گەڕێكی دیكەی دانووستانی ڕاستەوخۆ لە نێوان وەفدی ڕووسی و ئۆكرانی بە ئامادەبوونی ئەمریكا بەڕێوە دەچێت.
پیسكوف رایگەیاندووە، دانووستانی ئەمجارە لە شاری جنێفی سویسرا ئەنجام دەدرێت و وەفدی ڕووسی لەلایەن فلادیمیر میدینیسكی ڕاوێژكاری باڵای سەرۆكی ڕووسیاوە سەرۆكایەتی دەكرێت، كە گەورە دانووستانكاری ئەو وڵاتە بوو لە كۆبوونەوەكانی ئیستەنبووڵ كە ئاڵووگۆڕكردنی هەزاران دیلی نێوان هەردوو وڵاتی لێكەوتەوە.
پێشتر دوو گەڕی دانووستان لەنێوان ڕووسیا و ئۆكرانیا لە 24ـی كانوونی یەكەم و هەروەها 5ـی شوبات لە ئیمارات بەڕێوەچوون.
ماوەی چوار ساڵە جەنگ لە نێوان ڕووسیا و ئۆكرانیا هەڵگیرساوە و نزیكەی 20 لەسەدی خاكی ئەو وڵاتە لەلایەن سوپای ڕووسیاوە داگیركراوە و ئامادە نییە بكشێتەوە.
لە تۆڕە کۆمەڵایەتیەکان شەیری بکە