14/02/2026
252 جار خوێنراوەتەوە
سبەى پەرلەمانى عێراق کۆدەبێتەوە و پرسی سەرۆككۆمار لە کارنامەیدا نییە
پەیام
سبەی دانیشتنی ئەنجوومەنی نوێنەرانی عێراق بەڕێوەدەچێت و لە كارنامەی دانیشتنی ئەنجوومەنەکەدا پرسی هەڵبژاردنی سەرۆككۆمار بوونى نییە.
چیا نورى پەیامنێرى پەیام لە بەغداد ڕایگەیاند: سبەینێ 15ـی2ـی2026، ئەنجومەنی نوێنەرانی عێراق لە دانیشتنی ئاسایی خۆیدا، تاوتوێی پرسی دەرچووانی بەشە پزیشکییەکان و چەند پرسێکی گشتی دەکات.
وتیشى بەهۆى ئەوەى تائێستا پارتى و یەکێتى بە فەرمیی ڕێککەوتنیان لەسەر یەکلاکردنەوەى کاندیدێک بۆ پۆستى سەرۆككۆمار ڕانەگەیاندووە، لەبەرئەوە لە دانیشتنەکەى سبەى پەرلەمانى عێراقدا پرسی سەرۆككۆمار بوونى نییە.
باسى لەوەشکرد، پرسى سەرۆک کۆمار گرێدراوى پرسى سەرۆکوەزیرانە و ئەمریکاش لە کاندیدکردنى نورى مالیکى بۆ پرسى سەرۆکوەزیرانى عێراق ناڕازییە، لەبەرئەوە هێشتا ئەو پرسە یەکلانەبووەتەوە بە تایبەت کە لە ناوخۆى عێراقیشدا ناڕەزایی لەبارەى کاندیدکردنەوەى مالیکى بوونى هەیە".
لە تۆڕە کۆمەڵایەتیەکان شەیری بکە