پێش 4 هەفتە
297 جار خوێنراوەتەوە
سەرۆكی ئازەربایجان: نەتەوە یەكگرتووەكان بەتەواوی ئیفلیج بووە و كاریگەری نەماوە
پەیام
سەرۆكی ئازەربایجان ڕەخنەی ئاڕاستەی ڕێكخراوی نەتەوە یەكگرتووەكان و سیستمی نێودەوڵەتی كرد و دەڵێت: بە تەواوی ئیفلیج بووە.
ئیلهام عەلیێڤ، سەرۆكی ئازەربایجان لە پەراوێزی كۆنفرانسی ئاسایشی میونشن ڕایگەیاند: ڕێكخراوی نەتەوە یەكگرتووەكان بەتەواوی ئیفلیج بووە و لەدۆخێكدا نییە ڕێگەی بە بوونی كاریگەری لە هەر مەسەلەیەكدا بدات.
عەلیێڤ وتیشی: تێگەیشتنم هەیە بەرانبەر ویستی زۆرێك لە وڵاتان بۆ پێداچوونەوە بە پەیوەندییە نێودەوڵەتیەكان و ئاسایش و كاری دامەزراوە نێودەوڵەتییەكان، بەڵام هەر سیستمێكی نوێی نێودەوڵەتی دەبێت ئەوە نەبێت كە بەهێز لەسەر حەقە.
لەبارەی ئەو ئەنجومەنە ئاشتییەشەوە كە بە سەرۆكایەتی سەرۆكی ئەمریكا دامەزراوە و بەشێك لە چاودێران و وڵاتان بە تێپەڕاندنی نەتەوە یەكگرتووەكانی دەبینن، سەرۆكی ئازەربایجان دەڵێت: یاسای نێودەوڵەتی چیتر متمانەپێكراو نییە و زۆرێك لە وڵاتان گرنگیی پێ نادەن.
وتیشی: تەنیا پشتبەستن بە یاسای نێودەوڵەتی نابێتە هۆی چارەسەربوونی كێشەكانت، دەركەوتنی سیستمێكی نوێی نێودەوڵەتی، یان سیستمێكی نوێی پەیوەندی نێوان وڵاتانیش ماوەیەكە كاری لەسەر دەكرێت.
لە تۆڕە کۆمەڵایەتیەکان شەیری بکە