زیلێنسكی: ئێمه‌ سه‌روه‌ریی خۆمان پاراست و ڕووسیاش سه‌ركه‌وتوو نه‌بوو

پەیام
سەرۆکی ئۆکرانیا، ڤۆلۆدیمێر زێلێنسکی ڕایگەیاند: «ئەمڕۆ چوارەمین ساڵیادی جەنگی ڕووسیا-ئۆکرانیایە». لەسەر هەژماری خۆی لە تۆڕە کۆمەڵایەتییەکان، زێلێنسکی ئەوەی وەبیرهێنایەوە کاتێک چوار ساڵ لەمەوبەر جەنگەکە دەستی پێ کرد، ڕووسیا نەیتوانی لە سێ ڕۆژدا کیێڤی پایتەختی ئۆکرانیا داگیر بکات و جەختی لەسەر ئەوە کردەوە کە وڵاتەکەی لەم ماوەیەدا ڕێگایەکی دووری بڕیوە.

زێلێنسکی ئاماژەی بەوە کرد لەم جەنگەدا ملیۆنان ئۆکرانیی بەرگرییان کردووە و ڕایگەیاند: «کاتێک تەماشای ئەمڕۆ دەکەین و سەرەتای هێرشەکەمان بیر دەکەوێتەوە، مافی ئەوەمان هەیە بڵێین؛ بەرگریمان لە سەربەخۆییمان کرد، دەوڵەتەکەمان لەدەست نەدا و پوتین نەگەیشتە ئامانجەکانی. نەیتوانی ئۆکرانییەکان بشکێنێت و نەیتوانی لەم جەنگەدا سەرکەوێت».