2 کاتژمێر پێش ئێستا
191 جار خوێنراوەتەوە
هێزێكی زەمینی سوپای ئـیسرائیل چووە لوبنانەوە و دواى ڕووبەڕووبوونەوەى کشایەوە
پەیام
هێزێكی سوپای زایۆنی دابەزینی سەربازیی ئاسمانی لە ڕۆژهەڵاتی لوبنان ئەنجامدا و پاش پێكدادان لەگەڵ حیزبوڵای لوبنانی كشانەوە.
حیزبوڵای لوبنانی لە ڕاگەیەنراوێكدا بڵاوی كردەوە: تێبینی چوار هەلیكۆپتەری جەنگی زایۆنی كردووە كە دابەزینی سەربازیی ئاسمانی لە پارێزگای بیقاع لە ڕۆژهەڵاتی لوبنان ئەنجام داوە، لەكاتی پێشڕەوی هێزەكەی سوپای زایۆنی بەرەو شارۆچكەی نەبی شیت ڕووبەڕووی پێكدادان لەگەڵ چەكدارانی حیزبوڵڵا بوونەتەوە.
لە ڕاگەیانراوەكەی حیزبوڵای لوبنانیدا هاتووە: لەدوای ئاشكرابوونی ئەو هێزەی سوپای زایۆنی و ڕووبەڕووبونەوەیان، سوپای زایۆنی لەپێناو گرەنتیكردنی كشانەوەی هێزەكەی لە ناوچەكە 40 هێرشی ئاسمانی كردووە.
لای خۆیەوە وەزارەتی تەندروستیی لوبنان بڵاوی كردەوە: لە ئەنجامی هێرشی ئاسمانی و تۆپبارانی سوپای زایۆنی بۆ سەر شارۆچكەی نەبی شیت لە بیقاع 12 كەس كوژران و 33ی دیكە بریندار بوون.
دوێنێ، هەینییش سەنتەری كردە لە ناكاوەكانی وەزارەتی تەندروستیی لوبنان دوایین ئاماری قوربانییانی بۆردومانەكانی سوپای زایۆنی لە ڕۆژی دووشەممەی ڕابردووەوە بڵاوكردەوە و ڕایگەیاند: 222 كوژراون و 798ی دیكەیش بریندار بوون.
لە تۆڕە کۆمەڵایەتیەکان شەیری بکە