2 کاتژمێر پێش ئێستا
152 جار خوێنراوەتەوە
بەریتانیا: جەنگى سەر ئێران ئامانجەكانی ڕوون نین و لەگەڵ چارەسەری دیپلۆماسین
پەیام
بەریتانیا بە توندی بەشداری لە هاوپەیمانێتی بۆ پاراستنی گەرووی هورمز ڕەت دەكاتەوە و ئەو شەڕەی لە ناوچەكە هەیە بە شەڕێكی "بێئامانجێكی ڕوون" وەسفی دەكات.
دوای ئەوەی دۆناڵد تڕەمپ سەرۆكی ئەمریكا داوای پێكهێنانی هاوپەیمانێتییەكی سەربازی نوێی كرد بە مەبەستی پاراستنی سەرچاوەكانی وزە لە گەرووی هورمز، ئید میلی باند، وەزیری ئاسایشی وزەی بەریتانیا لە لێدوانێكیدا بۆ تۆڕی "بی بی سی" ڕایگەیاند: ناتوانین بەشداری لە جەنگێكدا بكەین كە ئامانجەكانی ڕوون نین، بەڵكو پلانەكەمان تەنها پشت بە هێوركردنەوەی دۆخەكە دەبەستێت.
میلی باند پەنابردنە بەر بژاردە سەربازییەكانی بە سەركێشییەكی حیساببۆنەكراو وەسف كرد و داوای چارەسەری دیپلۆماسیشی كرد.
لای خۆیەوە وەزارەتی بەرگری بەریتانیا ڕایگەیاند: لەگەڵ هاوبەشەكانمان هەنگاو بۆ بەدیهێنانی سەقامگیریی لە ڕێی دانوستانەوە دەنێین و نامانەوێت ببینە هۆی هەڵگیرسانی ڕووبەڕووبوونەوەی سەربازیی ڕاستەوخۆ.
ئەم لێدوانانە جیاوازیی ڕوون لە تێڕوانینی لەندەن و واشنتن دەردەخەن سەبارەت بە چۆنێتی مامەڵەكردن لەگەڵ هەڕەشەكانی سەر ڕێڕەوەكانی كەشتیوانیی نێودەوڵەتی كە لە ئەنجامی هێرشی ئەمریكا و قەوارەی زایۆنی بۆ سەر ئێران، دروستبووە.
لای خۆیشیەوە وەزارەتی دەرەوەی فەڕەنسا ڕایگەیاند: كەشتیی جەنگی بۆ گەرووی هورمز نانێرین.
لە تۆڕە کۆمەڵایەتیەکان شەیری بکە