2 کاتژمێر پێش ئێستا
60 جار خوێنراوەتەوە
بۆ هێرشی سەر لوبنان سوپای ئیسرائیل داوای 450 هەزار سەربازی یەدەگ دەكات
پەیام
قەوارەی زایۆنی بڕیاری داوە ئۆپەراسیۆنە زەمینییەكانی لەناو خاكی لوبنان فراوانتر بكات، بۆ ئەم مەبەستەش سوپا داوای لە حكومەت كردووە ژمارەی بانگهێشتكردنی سەربازە یەدەگەكانی بۆ 450 هەزار كەس بەرز بكاتەوە.
بەپێی زانیارییە میدیاییەكان، سوپای داگیركەر پڕۆژەبڕیارێكی پێشكەشی حكومەتەكەی كردووە بۆ پەسەندكردنی ئەم ژمارە زەبەلاحەی سەربازی یەدەگ، ڕاشیگەیاندووە: ئەم هەنگاوە ئامادەكارییەكی حەتمییە بۆ ڕووبەڕووبوونەوەی ئەگەرەكانی جەنگێكی زەمینیی گشتگیرو بەرفراوان.
لە چوارچێوەی ئەم پلانەدا، فیرقەی 91ی سوپای زایۆنی، دەستی بە ئۆپەراسیۆنێكی زەمینیی دیاریكراو و ئامانجدار لە گوندەكانی باشووری لوبنان كردووە، بە پاساوی وێرانكردنی ژێرخانی سەربازیی حزبوڵڵا لە ناوچەكە.
لە بەرانبەردا، حزبوڵڵای لوبنانی ڕایگەیاند، بە توندی بەرپەرچی ئەو هێرشە زەمینییانە دەدەنەوە و چەندین بنكە و پێگەی سەربازییان لە باكووری ناوچە داگیركراوەكان بە دەیان مووشەك پێكاوە.
لە تۆڕە کۆمەڵایەتیەکان شەیری بکە