ڕۆدری دەرگای چوونی بۆ ڕیاڵ مەدرید واڵا کرد

پەیام سپۆڕت - مەڕوان تاڵیب

ڕۆدری ئیسپانی و یاریزانی یانەی مانچستەر سیتی دەرگای بۆ ئەگەری گواستنەوەی بۆ ڕیزەکانی ڕیاڵ مەدرید واڵا کرد.

 ڕۆدری لە لێدوانێکیدا بۆ دەزگاکانی ڕاگەیاندن وتیئاشکرای کرد، ئەو ڕاستییەی کە پێشتر بۆ ئەتلەتیکۆ مەدرید یاریی کردووە، ڕێگر نابێت لەوەی یاری بۆ ڕیاڵ مەدرید بکات، چونکە ناتوانیت ڕەدی باشترین یانەکانی جیهان بکەیتەوە.

یاریزانەکەی سیتی ئاماژە بەوەش دەکات، تەنیا یەک وەرز لە گرێبەستەکەی ماوە و لە کاتێکی دیاریکراودا دەبێت گفتوگۆی لەسەر بکەن، بەڵام ئارەزوو دەکات ڕۆژێک لە ڕۆژان بگەڕێتەوە بۆ ئیسپانیا، ئەمە شتێکی ئاشکرایە.

لە کۆتاییدا سەبارەت بە دەرکرانیان لە چامپیۆنسلیگ ڕۆدری ئەوەی خستەڕوو، گرنگ نییە ڕیاڵ مەدرید لە ساتێکی باش یان خراپدا بن، چونکە ڕیاڵ مەدرید هەمیشە هەر ڕیاڵ مەدریدە و پێیوایە ئەگەر دەرکردنی بێرناردۆ سێلڤا بە کارتی سوور) نەبوایە، هەلی گەڕانەوەیان دەبوو.

لە کۆتایدا سەبارەت بە خەڵاتی باڵۆندۆر ڕۆدری وتی: پێموایە هەوڵیان دا من و ڤینیسیۆس بخەنە بەرانبەر یەکدی، بەڵام مەسەلەکە بەو شێوەیە نییە، من ڕێزێکی زۆرم بۆ ئەو هەیە و بۆ هەموو ئەو کارانەی لەو ساڵەدا ئەنجامی دان، ئەوە کەسانی دیکەن بڕیار دەدەن کێ خەڵاتی باڵۆندۆر دەباتەوە.