7 رۆژ پێش ئێستا
316 جار خوێنراوەتەوە
كۆمپانیایهكی فهڕهنسی: له هورمز هێرشكراوهته سهر كهشتییهكمان
کۆمپانیایەکی گواستنەوەی دەریایی فەڕەنسی ڕایگەیاند یەکێک لە کەشتییەکانیان لە گەرووی هورمز کراوەتە ئامانج و بەهۆیەوە زیان بە کەشتییەکە گەیشتووە و ژمارەیەک لە ستافی نێو کەشتییەکەش بریندار بوون.
کۆمپانیای "CMA CGM" ـی فەڕەنسی بۆ گواستنەوەی دەریایی، ئەمڕۆ چوارشەممە ڕایگەیاند کەشتیی "سان ئەنتۆنیۆ" لە کاتی تێپەڕبوونی بە گەرووی هورمزدا ڕووبەڕووی هێرش بووەتەوە. کۆمپانیاکە ئاماژەی پێ کردووە کە هێرشەکە زیانی ماددی بە کەشتییەکە گەیاندووە و برینداربوونی چەند ئەندامێکی تیمی کارکردنیشی لێکەوتووەتەوە.
لە درێژەی ڕاگەیەندراوەکەدا هاتووە کە هێرشەکە دوێنێ سێشەممە ڕوویداوە و سەرجەم ئەو کارمەندانەی بریندار بوون، لە کەشتییەکە گواستراونەتەوە و ئێستا لەژێر چاودێریی پزیشکیدان و چارەسەری پێویستیان بۆ دەکرێت.
کۆمپانیا فەڕەنسییەکە جەختی لەوەش کردووەتەوە کە بە وردی چاودێری دۆخەکە دەکەن و هەموو ئامادەکارییەکیان کردووە بۆ دابینکردنی هاوکاری و پشتیوانی تەواو بۆ ستافی کەشتییەکە.
لە تۆڕە کۆمەڵایەتیەکان شەیری بکە