1 کاتژمێر پێش ئێستا
224 جار خوێنراوەتەوە
دادگایی عەجاج (جەللادەكەی نوگرەسەلمان) بۆ 14ـی مانگ دواخرا
پەیام
بە بڕیاری دادگای ڕەسافە لە بەغدا، دانیشتنی عەجاج تكریتی ناسراو بە جەللادەكەی نوگرەسەلمان بۆ 14ـی ئەم مانگە دواخرا، ئەمەش دوای ئەوەی وتە لە 25 شایەتحاڵی قوربانیی دەستی ئەم تۆمەتبارە وەرگیرا.
پەیامنێری پەیام كە ئامادەی دانیشتنەكەی دادگا بوو، وتی عەجاج تكریتی نكووڵی لە بەشێك لەو تاوانانەدا كرد، كە لە نوگرەسەلمان ئەنجام دراون و ڕەتی كردوونەتەوە، لەم ئەنجامەشەوە دادگا دانیشتنەكەی بۆ 14ـی مانگ دواخست. تاكوو لێكۆڵینەوەی زیاتر لە دۆسیەكەدا بكرێت.
لە دانیشتنی ئەمڕۆدا بڕیاربوو دادوەر بڕیاری كۆتایی لەسەر دۆسیەكە بدات، بەتایبەت كە تۆمەتبار پێشتر لە قۆناغەكانی لێكۆڵینەوەدا دانی بە بەشێك لە تاوانەكانیدا ناوە كە لە زیندانی نوگرەسەلمان دەرهەق بە ئەنفالكراوان ئەنجامی داون.
لە تۆڕە کۆمەڵایەتیەکان شەیری بکە