1 کاتژمێر پێش ئێستا
151 جار خوێنراوەتەوە
پەكین و واشنتن لەسەر چارەنووسی ئێران و ئاسایشی گەرووی هورمز ڕێك كەوتن
پەیام
دوای كۆبوونەوەی لوتكەی نێوانیان، ترەمپ دەڵێت ڕێككەوتنی گەورەیان واژوو كردووە و پەكینیش داوای كردنەوەی گەرووی هورمز بە دانوستان دەكات.
دوای كۆبوونەوەی لوتكەی نێوان دۆناڵد ترەمپ سەرۆكی ئەمریكا و شی جین پینگ لە پەكین، دۆناڵد ترەمپ لە لێدوانێكیدا بۆ فۆكس نیوز ئاشكرای كرد، كە پەیوەندییەكانیان لەگەڵ چین لە هەموو كاتێك بەهێزترە و ڕێككەوتنێكی بازرگانی گەورەیان واژۆ كردووە، كە تێیدا چین دەست بە كڕینی نەوتی ئەمریكی دەكات و بەم زووانە كەشتییەكانی بەرەو بەندەرەكانیان بەڕێ دەكەون بۆ كڕینی نەوتی ئەمریكی.
سەبارەت بە دۆخی ئێرانیش، ترەمپ وتی، لەگەڵ جین پینگ باسی پەیوەندی پەكینی بۆ تاران كردووە و جەختی كردەوە پەكین دەیەوێت گەرووی هورمز بە كراوەیی بمێنێتەوە.
ترەمپ دووپاتی كردەوە، تاران لە ڕووی سەربازییەوە تێكشكاوە و سێ ئاستی سەركردایەتییان لەناوبراون، هۆشداریشی دا، كە پێگە ئەتۆمییەكانی ئێران 24 كاتژمێر لەژێر چاودێریدان و هەر جووڵەیەك ڕووبەڕووی بۆردومانی ڕاستەوخۆ دەبێتەوە.
ترەمپ بە جەختكردنەوە لە واژووكردنی ڕێككەوتن لەلایەن ئێرانەوە، ئاماژەی بەوە كرد، كە سەركردە نوێیەكانی ئێران عاقڵترن و سەرۆك شی ئامادەیی نیشان داوە هاوكاری دانوستانەكان بكات بۆ ڕێگری لە ئێران لە بەدەستهێنانی چەكی ئەتۆمی.
لەلایەكی ترەوە، وەزارەتی دەرەوەی چین داوای ئاگربەستێكی گشتگیر و كردنەوەی دەستبەجێی گەرووی هورمزی كرد.
جەختیشی لەوە كردەوە، كە بەكارهێنانی هێز ڕێگەیەكی داخراوە و دەبێت لە ڕێگەی دانوستانەوە دۆسیەی ئەتۆمی چارەسەر بكرێت.
لە تۆڕە کۆمەڵایەتیەکان شەیری بکە