ئێران و عومان بەڕێوەبردنی گەرووی هورمزیان تاوتوێ کرد

پەیام

وەزیری دەرەوەی ئێران لەگەڵ هاوتا عومانییەكەی تاوتوێی بەڕێوەبردنی گەرووی هورمز دەكات.

عەباس عەراقچی، وەزیری دەرەوەی كۆماری ئیسلامیی ئێران، دوێنێ ڕایگەیاند: لەگەڵ بەدر بن حەمەد بوسەعیدی هاوتا عومانییەكەی بەڕێوەبردنی گەرووی هورمزیان تاوتوێی كردووە.

عەراقچی جەختیشی لە هاوسۆزی و پشتیوانیی وڵاتەكەی لەگەڵ عومان لە بەرانبەر هەڕەشە سەربازییەكانی ئەمریكا كردووەتەوە.

وەزیری دەرەوەی ئێران لە پۆستێكیدا لە پلاتفۆرمی  ئێكس، ڕوونی كردەوە "پەیوەندییەكی تەلەفۆنی "زۆر بەرهەمدار"ی لەگەڵ وەزیری دەرەوەی عوماندا ئەنجام داوە.

زیاتر لەوەش ناوبراو ڕایگەیاند: لە بەرانبەر هەر هەڕەشەیەكدا هاوسۆزی ئێرانمان لەگەڵ عومان دەربڕی.

عەراقچی نووسیویشیەتی: لەگەڵ بوسەعیدی گەرووی هورمز و بەڕێوەبردنی داهاتووانەی گونجاو لەگەڵ بەرپرسیارێتییە سەروەرییەكانمان و یاسا نێودەوڵەتییەكان كرد و پێشوازییشمان لە ڕاوێژ لەگەڵ هەموو وڵاتانی دراوسێ كرد.

ئێران پێشتر ڕایگەیاندبوو، لەگەڵ عومان كار بۆ ئامادەكردنی میكانیزمێكی هاوبەش بۆ بەڕێوەبردنی گەرووی هورمز دەكات، لە بەرانبەردا، سەرۆكی ئەمریكا هەڕەشەی "تەقاندنەوەی" عومانی كرد.