03/06/2026
563 جار خوێنراوەتەوە
پێرێز وادەی ڕاگەیاندنی ڕاهێنەر و یەکەم گرێبەست دیاری دەکات
پەیام سپۆڕت - مەڕوان تاڵیب
فلۆرنتینۆ پێرێز جەختی کردەوە لە چەند ڕۆژی داهاتوودا دەست
دەکات بە ئاشکراکردنی گرێبەستە نوێیەکانی وەک دەسپێکی پڕۆژە وەرزشییەکەی بۆ وەرزی
داهاتوو.
لە چاوپێکەوتنێکی تایبەتدا لەگەڵ ڕۆژنامەی "ئێل ئیسپانیۆل"
سەرەتا پێرێز ڕایگەیاند، ڕۆژی پێنجشەممە یەکەم گرێبەستی گەورەی ڕیاڵ مەدرید بۆ وەرزی
داهاتوو ئاشکرا دەکات و هەروەها لە چەند ڕۆژی داهاتوودا ناسنامەی ڕاهێنەرە نوێیەکەش
ڕادەگەیەنێت.
سەرۆکی قەڵای سپی وتیشی: هاندەران من دەناسن، من لە ماوەی
23 ساڵی سەرۆکایەتیمدا هەمیشە شۆکهێنەر بووم و هەرکەسێک من بناسێتدەزانێت کە باشترین
یاریزانەکان لە ڕیاڵ مەدرید دەبن و ئێمە جارێکی دیکە چامپیۆندلیگ دەبەینەوە.
لە کۆتایدا پێرێز دەشڵێت: ئەوانەی دەڵێن ئێمە قەرزارین لە
کاتێکدا دەوڵەمەندترین یانەی جیهانین، دابینکردنی بودجەی نۆژەنکردنەوەی یاریگای بێرنابیۆ
کێشە نییە، ڕێژەی سوودەکەی کەمترە لە سەدا سێ و ملیارێک یۆرۆش ماوەتەوە، یاریگاکە
لە داهاتەکانی خۆی قەرزەکان دەداتەوە و ئێمە 150 ملیۆن یۆرۆ قازانجمان دەبێت تەنیا
لە کورسییە نوێیەکان و توانای دانەوەی قەرزەکانمان هەیە.
لە تۆڕە کۆمەڵایەتیەکان شەیری بکە