گابرێل سوپاسی هاندەرانی ئارسیناڵ و هاوتیمەکانی دەکات

بڕیار تەها - پەیام سپۆرت

گابرێل ماگالهایسی بەڕازیلی باسی ئەو کاریگەرییە دەروونییە قورسە دەکات کە بەهۆی لەدەستدانی لێدانی سزای یاریی کۆتایی چامپیۆنسلیگەوە تووشی بووە.

 گابرێل ماگالایس، بەرگریکاری یانەی ئارسیناڵ، پەردەی لەسەر ئازارەکانی لادا و وتی: "هەستم بە خراپی دەکرد و وامدەزانی هاوڕێکانم بێهیوا کردووە، لەو ساتەدا هەستم بە بێبایەخی دەکرد."

بەڵام ئاماژە بەوە دەکات کە هەڵوێستی هاندەران شۆکیان کردووە و وتی: "خۆشەویستی هاندەرانی ئارسیناڵ لەوە زیاتر بوو کە خەیاڵم دەکرد، ئەوان بە پەیام و ڤیدیۆکانیان پشتگیرییان کردم."

ئەو بەرگریکارە سوپاسی ستافی هونەری و هاوڕێکانی کرد و وتیشی: "ئەوان بیریان خستمەوە کە هەڵە بەشێکە لە تۆپی پێ و یەک سات ناتوانێت وەرزێک یان کەسایەتییەک پێناسە بکات."

ماگالایس جەختی کردەوە کە ئەو پشتگیرییە بێوێنەیە هەرگیز لەبیر ناکات و وتی: "سوپاس بۆ خێزانی ئارسیناڵ کە لە ناخۆشترین کاتی کاروانی وەرزشیمدا لەگەڵم بوون و نەیانهێشت بڕوخێم."