عێراق ڕەتیکردەوە لە بەرانبەر تێپەڕبوون بە گەرووی هورمزدا باجى بە ئێران دابێت

پەیام

عێراق دەنگۆی پێدانی باج بە ئێران بۆ تێپەڕبوونی كەشتییە نەوتهەڵگرەكانی لە گەرووی هورمز ڕەت دەكاتەوە و جەختیش لە بەردەوامی هەناردەكردنی نەوت دەكاتەوە.

قاسم ئەعرەجی، ڕاوێژكاری ئاسایشی نیشتمانیی عێراق، ڕایگەیاند: دەنگۆی وەرگرتنی باج لە عێراق بۆ تێپەڕبوونی كەشتییە نەوتهەڵگرەكانی لە گەرووی هورمز دوورە لە ڕاستییەوە و ڕایگەیاند: پێشتر ئێران، عێراقی لە ڕێكارەكانی تێپەڕبوون بە گەرووەكەدا بەدەر كردووە. 

ئەم ڕوونكردنەوەیەی ڕاوێژكاری ئاسایشی نیشتمانیی عێراق دوای ئەوە دێت، كە هەواڵی ڕێگریكردنی هێزە ئەمریكییەكان لە چەند كەشتییەكی نەوتی عێراق بە تۆمەتی پێدانی باج بە لایەنی ئێرانی بڵاو كرایەوە.

لە لایەكی دیكەوە، سەرچاوەكان ئاماژە بەوە دەكەن، كە پڕۆسەی هەناردەكردن بەردەوامە و گەورە كەشتییەكی چینی بڕی دوو ملیۆن بەرمیل نەوتی خاوی عێراقی لە بەندەرەكانی بەسرە بار كردووە و دوای تەواوكردنی ڕێكارەكانی تایبەت بە بارەكە، بەرەو شوێنی مەبەست بەڕی َكەوتووە، ئەمەش نیشانەی بەردەوامی چالاكییە بازرگانییەكانی كۆمپانیای بەبازاڕكردنی نەوتی عێراق (سۆمۆ)یە لە ناوچەكەدا.