ئاماری شەهیدانى غـ.ەززە بۆ نزیكەی 73 هەزار كەس بەرز بووەتەوە

پەیام

ئاماری قوربانییانی كەرتیی غەززە بۆ نزیكەی 73 هەزار شەهید بەرز بووەوە و لە ماوەی ئاگربەستیشدا نزیكەی هەزار كەسی دیكە لە لایەن قەوارەی زایۆنییەوە شەهید بوون. 

وەزارەتی تەندروستی فەڵەستین لە كەرتی غەززە، لە ڕاگەیانراوێكدا نوێترین زانیاری سەبارەت بە قوربانییانی هێرشەكانی قەوارەی زایۆنی، سەرەڕای ئاگربەست لە كەرتی غەززە، بڵاو كردەوە.

وەزارەتەكە ڕایگەیاندووە: لە 48 كاتژمێری ڕابردوودا پێنج تەرم گەیەنراونەتە نەخۆشخانەكانی غەززە و 49 كەسی دیكەیش بریندار بوون.

لە ڕاگەیاندراوەكەدا هاتووە "لە دەستپێكی ئاگربەست لە غەززە لە 10ی ئۆكتۆبەری 2025دا، 951 فەڵەستینی شەهید بوون و دوو هەزار و 984ی دیكەیش بریندار بوون و تەرمی 782 كەسیش لە ژێر داروپەردووی باڵەخانەكاندا دەرهێنراون.

بەپێی ڕاگەیانراوەكەی وەزارەتی تەندروستی فەڵەستین لە كەرتی غەززە "ئاماری ئەو كەسانەی لە ڕۆژی 7ی تشرینی یەكەمی 2023وە تا ئێستا، بەهۆی بەردەوامی هێرشەكانی ئیسرائیلەوە لە كەرتی غەززە شەهید بوون گەیشتووەتە 72 هەزار و 961 كەس، بریندارەكانیش بۆ 173 هەزار و 92 كەس بەرز بووەتەوە".
ئاماژە بەوەیش دەكرێت كە هێشتا تەرمی هەزاران كەس لەژێر داروپەردووی ڕووخاوی بیناكاندا ماونەتەوە.