تڕه‌مپ: ئاگربه‌ست كۆتایی هات و ئه‌مریكا كاره‌كانی جێبه‌جێ ده‌كات

دۆناڵد ترەمپ، سەرۆکی ئەمریکا ڕایگەیاند کە لێکتێگەیشتن لەگەڵ ئێران کۆتایی پێهاتووە و وڵاتەکەی بە هیچ شێوەیەک ڕێگە نادات تاران ببێتە خاوەنی چەکی ئەتۆمی.
سەرۆکی ئەمریکا ئاماژەی بەوە کرد کە چیتر نایەوێت لەگەڵ ئێرانییەکاندا مامەڵە بکات، چونکە بە وتەی ئەو، واشنتۆن کاتێکی زۆری لەو پێناوەدا بەفیڕۆ داوە و ئێستا کاتی ئەوە هاتووە ئەمریکا کارەکانی خۆی جێبەجێ بکات. ترەمپ دەسەڵاتدارانی تارانی بە کوشتنی هەزاران کەس تۆمەتبار کرد و جەختی کردەوە کە ڕێگری لە پەرەپێدانی بەرنامە ئەتۆمییەکەیان دەکەن.
لە بەشێکی تری لێدوانەکانیدا، ترەمپ ناڕەزایەتی خۆی بەرامبەر بە هاوپەیمانیی ناتۆ دەربڕی و ڕەخنەی لێ گرتن بەوەی کە هاوکاریی واشنتۆنیان نەکردووە بۆ ڕووبەڕووبوونەوەی ئێران، کە وەک خۆی لەقەڵەمی دا، یەکەمین دەوڵەتی پاڵپشتیکاری تیرۆرە لە جیهاندا.