3 رۆژ پێش ئێستا
335 جار خوێنراوەتەوە
ئۆكرانیا: ڕووسیا به سهدان مووشهك و درۆن هێرشی كرد و 17 كهس كوژران
پهیام
هێزی ئاسمانیی ئۆکرانیا، رایگەیاندووە، هێزەکانی ڕووسیا ۱۱٥ درۆن و ۲۸ مووشەکی خێرایان ئاڕاستەی ناوچە جیاوازەکانی ئۆکرانیا کردووە، لەوانەش مووشەکی بالیستی. لەو ژمارەیە ٩٨ درۆن خراونەتە خوارەوە، بەڵام ئاماژە بە خستنەخوارەوەی هیچ مووشەکێک نەکراوە، ئەمە لە کاتێکدایە کیێڤ ڕووبەڕووی کەمیی تەقەمەنیی دژە مووشەکی بالیستی بووەتەوە و داوای سیستەمی بەرگریی ئاسمانیی زیاتر لە هاوپەیمانەکانی دەکات.
هاوکات ڤۆلۆدیمیر زێلێنسکی سەرۆکی ئۆکرانیا ڕایگەیاند لە ئەنجامی هێرشەکانی ڕووسیا بۆ سەر کیێڤ و ۱۷ کەس کوژراون و ٤٤ کەسی دیکەش بریندار بوون و، ژێرخانی خەڵکی مەدەنی و کۆگاکان و وێستگەیەکی شەمەندەفەر کراونەتە ئامانج.
لە بەرانبەردا، وەزارەتی بەرگریی ڕووسیا ڕایگەیاند ٤۷٥ درۆنی ئۆکرانیایان لەسەر ناوچەکانی ڕووسیا و دەریای ڕەش و دەریای ئازۆف خستووەتە خوارەوە. هەروەها وهزارهتی بهرگری ڕووسیا ڕوونکردنەوەی دا کە هێزەکانیان ناوەندێکی گواستنەوە و کۆگاکردنی ئۆکرانیایان لە ناوچەی برۆڤاری بۆردومان کردووە کە بۆ دابەشکردنی پارچەکانی درۆن بەکارهێنراوە.
لە تۆڕە کۆمەڵایەتیەکان شەیری بکە