گەرما بەردەوام دەبێت و سێ پارێزگای عێراق سبەی دەگەنە نیوەی كوڵان

پەیام

گەرما بەردەوام دەبێت و سێ پارێزگای عێراق سبەی دەگەنە نیوەی پلەی كۆڵان، لە هەرێمى کوردستانیش بەرزترین پلە لە گەرمیان 45 پلەو نزمترین پلەش لە حاجی ئۆمەران 30 پلەی سیلیزی دەبێت.

دەستەی كەشناسی عێراق ڕایگەیاند، سبەی یەكشەممە پلەكانی گەرما لە پارێزگاكانی زیقار، میسان و بەسڕە دەگەنە 50 پلەی سەدی و بەغدایش 47 پلە تۆمار دەكات.

هەروەها پارێزگاكانی هەرێمی كوردستان نزمترین پلە تۆمار دەكەن كە 40 پلەیە. 

بۆ ڕۆژانی دووشەممە و سێشەممە پێشبینی دەكرێت پلەكانی گەرما كەمێك بەرزتر ببنەوە و ئاسمان بە گشتی ساماڵ و گەرم بێت. 

ئەم شەپۆلە گەرمایە تا ڕۆژی چوارشەممە بەردەوام دەبێت و پلەكان لە زۆربەی ناوچەكاندا وەك خۆیان یان بە بەرزی دەمێننەوە.

لە شارەکانى هەرێمى کوردستانیش سبەى پلەکانى گەرما بەم شێوەیە دەبێت:-
هەولێر: 43 پلەی سیلیزی 
پیرمام: 39 پلەی سیلیزی
سلێمانی: 42 پلەی سیلیزی
هەڵەبجە:  43  پلەی سیلیزی 
چەمچەماڵ: 43 پلەی سیلیزی
دهۆک: 42 پلەی سیلیزی
زاخۆ: 43 پلەی سیلیزی 
ئاکرێ: 42 پلەی سیلیزی 
گەرمیان:45 پلەی سیلیزی 
حاجی ئۆمەران:  30 پلەی سیلیزی