ماسك: ئەمریكا بەرەو كارەسات دەچێت کاتێک قەرزەکەى دەگاتە 50 تریلیۆن دۆلار

پەیام 

هۆشداریی لە گەیشتنی قەرزی گشتیی ئەمریكا بۆ 50 تریلیۆن دۆلار و دروستبوونی كارەساتی گەورە دەدرێت. 

ئیلۆن ماسك، سەرۆكی كۆمپانیای "سپەیس ئێكس"، پشتڕاستی ئەو پێشبینییانەی كردەوە كە دەڵێن ئەمریكا بەرەو كارەسات و "دۆزەخ" دەچێت كاتێك قەرزی گشتیی وڵاتەكە دەگاتە 50 تریلیۆن دۆلار. 

ماسك لە كۆمێنتێكدا بۆ وێنەیەكی گرافیكی كە ئاماژەی بەوە كردبوو تا ساڵی 2030 قەرزەكانی ئەمریكا دەگەنە ئەو ئاستە مەترسیدارە، نووسیویەتی: "ئەم گرافیكە ورد و دروستە".

هەفتەی ڕابردوو قەرزی گشتیی ئەمریكا ئاستێكی پێوانەیی تۆمار كرد و گەیشتە 40 تریلیۆن دۆلار كە لە ماوەی كەمتر لە 10 ساڵدا 20 تریلیۆن دۆلاری بۆ زیاد بووە.

پەیمانگای "پیتەرسۆن" بۆ ئابووری نێودەوڵەتی پێشبینی دەكات ئەگەر واشنتن چاكسازی لە سیستەمی خەرجی و باجدا نەكات، لە ماوەی شەش ساڵی داهاتوودا قەرزەكان 50 تریلیۆن دۆلار دەبڕن، ئەمەش ئابووری وڵاتەكە ڕووبەڕووی مەترسییەكی بێوێنە دەكاتەوە.