ئەمریكا بە ڕێككەوتنێك دەست بەسەر زۆرینەى نەوتی ڤەنزوێلادا دەگرێت

پەیام 

ئەمریكا ڕێككەوتنێكی نەوتیی لەگەڵ ڤەنزوێلا ڕاگەیاند كە تێیدا دەستی بەسەر زۆرینەی یەدەگی نەوتی ئەو وڵاتەدا دەگرێت.

لە لێدوانێكی فەڕمیدا، دۆناڵد ترەمپ سەرۆكی ئەمریكا ڕایگەیاند كە ئیدارەكەی گەیشتووەتە ڕێككەوتنێكی نەوتیی گەورە لەگەڵ ڤەنزوێلا كە مافی دەستبەسەرداگرتنی 65 ملیار بەرمیل لە یەدەگی نەوتی چەسپاوی ئەو وڵاتە بە ئەمریكا دەبەخشێت. 

ترەمپ ئەم هەنگاوەی بە "گەورەترین گرێبەستی نەوتی لە مێژووی جیهاندا" وەسف كرد. 

هاوكات ماركۆ ڕووبیۆ، وەزیری دەرەوەی ئەمریكا ئاماژەی بەوە كرد كە ڕێككەوتنەكە نزیكەی 100 ملیار دۆلار وەبەرهێنانی كەرتی تایبەت بۆ ڤەنزوێلا ڕادەكێشێت.

لە لایەكی دیكەوە، دێڵسی ڕۆدریگێز، لەسەر ناوی سەركردایەتی كاتیی ڤەنزوێلا واژووكردنی ڕێككەوتنەكەی پشتڕاست كردەوە و بە "مێژوویی" وەسفی كرد كە دەبێتە هۆی "لەدایكبوونەوەی نەتەوەكەیان". 

ڕۆدریگێز ڕوونی كردەوە كە ئەم مامەڵەیە زیاتر لە 209 ملیار دۆلار داهاتی باج بۆ دەوڵەت دابین دەكات. 

ئەم ڕێككەوتنە لە كاتێكدایە كە یەدەگی ستراتیژیی نەوتی ئەمریكا لە نزمترین ئاستیدایە لە ماوەی 40 ساڵی ڕابردوودا و كۆمپانیا ئەمریكییەكان كار بۆ پەرەپێدانی كێڵگەكان و زیادكردنی داهاتی نەوتی ڤەنزوێلا دەكەن.