1 کاتژمێر پێش ئێستا
35 جار خوێنراوەتەوە
یۆنان و ئیسرائیل ڕێككەوتنێك بە بەهای سێ ملیار یۆرۆ واژۆ دەكەن
پەیام
یۆنان و قەوارەی ئیسرائیل ڕێككەوتنێكی سەربازی بە بەهای سێ ملیار یۆرۆ بۆ كڕینی سیستەمێكی بەرگری دەكەن.
بڕیارە ڕۆژی دووشەممەی داهاتوو یۆنان و قەوارەی ئیسرائیل گرێبەستێكی گەورە بە بەهای 3.1 ملیار یۆرۆ بۆ كڕینی سیستەمی بەرگری ئاسمانی "قەڵغانی ئاخیلۆس" واژۆ بكەن، ئامانجی ئەم پڕۆژەیە دروستكردنی چەتری پاراستنی فرەچەشنە بۆ بەرەنگاربوونەوەی هەڕەشە ئاسمانی و موشەكییەكان.
جێبەجێكردنی پڕۆژەكە 35 مانگ دەخایەنێت و كۆمپانیا ناوخۆییەكانی یۆنانیش بە بەهای 700 ملیۆن یۆرۆ بەشداری تێدا دەكەن.
ئەم سیستەمە نوێیە تەكنەلۆژیای پێشكەوتووی ئیسرائیلی وەك "قۆچەقانی داود" و "باراك" لەگەڵ سیستەمی "پاتریۆت"ی ئەمریكی تێكەڵ دەكات و زیرەكی دەستكرد بەكاردەهێنێت بۆ ناسینەوەی خێرای ئامانجەكان.
یۆنان و قەوارەی زایۆنی پەیوەندییەكی سەربازی و دیبلۆماسی قوڵیان هەیە و لەم ساڵانەی دواییدا چەندین مەشقی سەربازی هاوبەشیان پێكەوە ئەنجام داوە.
ئەم جموجۆڵانە لە كاتێكدایە كە مەترسیەكانی جەنگی ئەمریكا و ئێران لە ناوچەكە مەترسی هەڵگیرسانەوە و فراوانتری بۆ ناوچە ئەوروپییەكان لێدەكرێت و یۆنانیش بەهۆی بوونی هێزی هاوپەیمان لە وڵاتەكەیدا كەوتووتە ئامادەكاری بۆ وەڵامدانەوەی هەر هێرشێكی ئەگەری.
لە تۆڕە کۆمەڵایەتیەکان شەیری بکە