1 کاتژمێر پێش ئێستا
71 جار خوێنراوەتەوە
لە هێرشێكی ڕووسیادا بۆ سەر چەند ناوچەیەكی ئۆكرانیا دەیان كەس كوژران
پەیام
هێرشە درۆنییەكەی شەوی ڕابردووى ڕوسیا بۆ سەر ناوچەیەكی نزیك لە پایتەختی ئۆكرانیا دەیان كوژراوی لێ كەوتەوە.
بەرپرسانی ئۆكرانیا ڕایانگەیاند: لە ئەنجامی هێرشێكی فڕۆكە بێفڕۆكەوانەكانی ڕووسیا بۆ سەر گوندێكی نزیك كیێڤی پایتەخت، 37 كەس كوژراون.
تێیمور تكاچینكۆ، سەرۆكی ئیدارەی هەرێمی كیێڤ ئاشكرای كرد "هێرشەكە كراوەتە سەر گوندی میلا لە قەزای بووچا لە ناوچەی كیێڤ.
لای خۆیەوە، ڤۆلۆدیمێر زێلێنسكی، سەرۆكی ئۆكرانیا ڕایگەیاند: هێرشەكە بووەتە هۆی تەقینەوە لە كۆگایەك و زیانی زۆری بە ژێرخانی ناوچەكە گەیاندووە.
زێلێنسكی باسی لەوەش كرد كە خانووی هاووڵاتییان و سەنتەرێكی چاودێری پەككەوتەكان زیانیان پێ گەیشتووە، هەر بۆیە زیاتر لە 370 كەس لە ناوچەكە گوازراونەتەوە و 300 كارمەندی فریاگوزاری بەشداریی ئۆپڕاسیۆنەكان دەكەن.
بەگوێرەی سەرۆكایەتی ئۆكرانیا، ڕووسیا بە زیاتر لە 260 فڕۆكەی بێفڕۆكەوان هێرشی كردووەتە سەر چەندین ناوچەی جیاوازی وەك ئۆدیسا و دینپرۆ، زاپۆرێژژیا، خێرسۆن، خاركێڤ، دۆنێتسك و میكۆلایف و چەند ناوچەیەكی دیكە.
ئەمەو تائێستا لایەنی ڕووسی هیچ لێدوانێكی فەرمی لەسەر ئەم هێرشە و ئاماری كوژراوەكان بڵاو نەكردووەتەوە.
لە تۆڕە کۆمەڵایەتیەکان شەیری بکە