گومان و نیگەرانییەکان لە بەرشەلۆنە سەبارەت بە ڕۆدری زیاد دەکەن

پەیام سپۆڕت - مەڕوان تاڵیب

گومان و نیگەرانییەکان لە بەرشەلۆنە سەبارەت بە بارودۆخی جەستەیی ڕۆدری زیاد دەکەن.

 بەرنامەی ناوداری "ئێل چیرینگیتۆ" ئاشکرای کردووە، کە دەستەی تەکنیکی بلاوگرانا بە ڕاهێنەرایەتی فلیک، تووشی دڵەڕاوکێ بوونە سەبارەت بە توانای جەستەیی ڕۆدری، کە لە گواستنەوەکانی هاوینەدا وەک گرێبەستێکی سەرەکی هاتە یانەکە.

ئاماژە بەوەش دراوە، ڕۆدری بەهۆی ئەنجامدانی نەشتەرگەرییەکی بچووک لە پشتی لە ماوەی هاویندا، هێشتا نەگەیشتووەتە ئاستی پێویست و تەنیا ٢٠ خولەک بەشداری یارییەکانی کردووە.

هانسی فلیک پێی وایە ئەم یاریزانە ناتوانێت لە وەرزێکدا ٦٠ یاری وەک یاریزانی سەرەکی ئەنجام بدات و بۆیە پلان وایە ڕۆدری لە یارییە گەورەکاندا بەکاربهێنرێت و لە یارییەکانی خولی ئیسپانیادا دەرفەتی زیاتر بە "مارک بێرناڵ" بدرێت، کە وەک جێگرەوەی داهاتووی ئەو لە یانەکە و هەڵبژاردەی ئیسپانیا هەژمار دەکرێت.