نزیکەى نۆ هەزار بەساڵاچوو لە كۆریای باشوور تەمەنیان لە سەرووى 100 ساڵەوەیە

پەیام 

ژمارەی ئەو بەساڵاچووانەی لە كۆریای باشوور تەمەنیان سەدەیەكی تێپەڕاندووە زیادیكردووە و هۆكاری ئەو زیادبوونەش بۆ باشبوونی چاودێری تەندروستی و دۆخی گوزەران دەگەڕێنرێتەوە.

بەپێی داتا فەرمییەكانی كۆریای باشوور و بەهۆی باشبوونی چاودێری تەندروستی و گوزەرانی هاووڵاتیانەوە، بەراورد بە 10 ساڵی ڕابردوو ژمارەی ئەو بەساڵاچووانەی تەمەنیان 100 ساڵی تێپەڕاندووە سێ هێندە زیادیكردووە.

بەپێی داتای وەزارەتی داتاكان و ئامار لە كۆریای باشوور ژمارەی ئەو بەساڵاچووانەی تەمەنیان 100 ساڵی تێپەڕاندووە تاوەكو مانگی تشرینی دووەمی 2025 گەیشتووەتە هەشت هەزار و 604 كەس، لەكاتێكدا ژمارەی ئەو بەساڵاچووانە لەساڵی 2015دا سێ هەزار و 159 كەس بووە.

لەكۆی بەساڵاچووەكانی كۆریای باشوور كە تەمەنیان سەدەیەكی تێپەڕاندووە پیاوان 16% ی پێك دەهێنن كە ژمارەیان هەزار و 428 كەسە و یەكێك لە كۆی پێنج كەس كە تەمەنیان 100 ساڵی تێپەڕاندووە بە تەنیا دەژین.