56 خولەک پێش ئێستا
89 جار خوێنراوەتەوە
ئێران: ئاسایشی دەریای سوور بە ڕێزگرتن لە یەمەنییەكان دەستەبەر دەبێت
پەیام
وەزارەتی دەرەوەی ئێران لە بەیاننامەیەكدا سەبارەت بە گۆڕانكارییەكانی یەمەن ڕایگەیاندووە "دەستەبەركردنی ئاسایشی دەریای سوور بەبێ ڕێزگرتن لە ماف و كەرامەتی گەلی یەمەن بەدەست نایەت".
تاران داوا دەكات كۆتایی بە گەمارۆی سەر یەمەن بهێنرێت كە بە «نایاسایی و نامرۆیی» ناوی دەبات، جەختیشی لە پێویستی ڕێزگرتن لە سەروەری، سەربەخۆیی و یەكپارچەیی خاكی یەمەن كردووەتەوە.
وەزارەتی دەرەوەی ئێران ئاماژەی بەوەیش كردووە "كێشەكانی یەمەن نابێت بە بەردەوامبوونی گەمارۆ و هاوپەیمانییە سەربازییەكان چارەسەر بكرێت، بەڵكو دەبێت مافە ڕەواكان و بەرژەوەندییەكانی گەلی یەمەن لەبەرچاو بگیرێن". ڕایشیگەیاندووە: چارەسەری كێشەكانی یەمەن پێویستی بە ڕێڕەوێك هەیە كە ماف و سەروەریی ئەو وڵاتە بپارێزێت.
چەند ڕۆژێكە، لە بەرەی كەناری ڕۆژئاوای یەمەن ئاڵۆزییە سەربازییەكان زیادیان كردووە و بە گوێرەی هەندێك ڕاپۆرت حوسییەكان پێشكەوتنی بەرچاویان تۆماركردووە و كۆنترۆڵكردنی چەندین ناوچەیان كردووە.
لە تۆڕە کۆمەڵایەتیەکان شەیری بکە