1 کاتژمێر پێش ئێستا
80 جار خوێنراوەتەوە
داهاتی ئەم هەفتەیەی سلێمانی زیاتر لە شەش ملیار دینار كەمیكردووە
پەیام
داهاتی نانەوتی ئەم هەفتەیەی سلێمانی و هەڵەبجە و هەردوو ئیدارەی سەربەخۆی راپەڕین و گەرمیان زیاتر لە حەوت ملیار دینار بووە و بەراورد بە هەفتەی رابردوو زیاترلە شەش ملیار دینار كەمیكردووە.
ماڵپەڕی شەفافیەت بۆ خستنەڕووی داهاتی نانەوتی پارێزگاكانی سلێمانی و هەڵەبجە و هەردوو ئیدارەی سەربەخۆی راپەڕین و گەرمیان ئاشكرایكردووە، داهاتی ئەم هەفتەیە، بڕی حەوت ملیار و 162 ملیۆن و 753هەزار ، 977دینار بووە.
ئەوەشی خستووەتەڕوو، داهاتی ئەم هەفتەیە بەراورد بە هەفتەی رابردوو زیاترلە شەش ملیار دینار كەمیكردووە، لەكاتێكدا هەفتەی رابردوو بڕی داهات 13 ملیار 500 ملیۆن دینار بووە.
بەپێی ماڵپەڕی شەفافیەت، 85%ی ئەم داهاتە بەشێوەی نەختینەو 15% بەشێوەی چەك بووە.
لە تۆڕە کۆمەڵایەتیەکان شەیری بکە