ئێران كردنەوەی گەرووی هورمز دەبەستێتەوە بە جێبەجێكردنی داواكارییەكانیەوە

پەیام

سەرۆككۆماری ئێران مەرجی وڵاتەكەی بۆ كردنەوەی گەرووی هورمز ڕاگەیاند و باسی ڕێككەوتنێكی نوێی كرد.

ئاژانسی هەواڵی قوتابیانی ئێران "ئیسنا"، لەسەر زاری مەسعوود پزیشكیان سەرۆككۆماری ئێران بڵاوی كردەوە: دەكرێت ئێران دووبارە گەرووی ستراتیژیی هورمز بكاتەوە، ئەوەش بە مەرجێك واشنتن گەمارۆ دەریایی و هێرشە سەربازییەكانی بۆ سەر بەندەرەكانی ئێران ڕابگرێت.

پزیشكیان جەختی لەوەش كردەوە كە تاران هەوڵ دەدات پەیوەندییەكی ژیرانەتر و سەقامگیرتر لەگەڵ دراوسێكانیدا بنیات بنێت. 

لە لایەكی دیكەوە، ناوبراو ئاشكرای كرد كە ڕۆژی دووشەممەی داهاتوو، ئێران و عومان لە پایتەختی ئەو وڵاتە (مەسقەت) ڕێككەوتنێك سەبارەت بە ڕێڕەوی كەشتیوانیی نوێ لە ڕێگەی گەرووی هورمزەوە واژوو دەكەن، كە وەك ڕێڕەوێكی زیندوو بۆ بازرگانیی جیهانیی نەوت و غاز هەژمار دەكرێت. 

ئەمەو سەرۆككۆماری ئێران پێشتر دانی بەوە دا نا كە بەهۆی سزاكانی ئەمریكا و گەمارۆی سەر بەندەرەكانەوە، وڵاتەكەی لە قۆناغێكی زۆر سەختدا دەژی.