1 کاتژمێر پێش ئێستا
141 جار خوێنراوەتەوە
ئێران: ئامادهكاریمان بۆ جهنگێكی درێژخایهن كردووه
پهیام
سوپای پاسدارانی ئێران هەڕەشەی ئەوە دەکات کە لە ئەگەری هەر دەستدرێژییەکی نوێی ئەمریکادا، جۆر و جۆگرافیای شەڕ دەگۆڕێت و، چەکی نوێ بەکاردەهێنێت و ئەو پێگانەی پێشتر دەستی بۆ نەبردوون وێران دەکات.
حسێن موحیبی، وتەبێژی سوپای پاسدارانی ئێران، ئەمڕۆ دووشەممە لە لێدوانێکدا کە ئاژانسی هەواڵی "فارس" بڵاویکردەوە، ڕایگەیاند تاران لە ئێستادا بە تەواوی ئامادەکاری کردووە بۆ بەرپەرچدانەوەی هەر هێرشێک و ئامادەیە بۆ قەیرانێکی درێژخایەن لەگەڵ ئەمریکادا.
موحیبی جەختیکردەوە کە ئەگەر هێرشێکی نوێ بکرێتە سەر وڵاتەکەی، ئەوا پێگەی نوێ و ناوچەی نوێ دەکرێنە ئامانج، و هۆشداری دا کە تاران شێواز و چەکی پێشکەوتووی نوێ لە بەرەنگاربوونەوەکاندا تاقیدەکاتەوە.
لە تۆڕە کۆمەڵایەتیەکان شەیری بکە