ڕووسیا جگە لە پردەكانی پایتەختی ئۆكرانیا كەشتییەكیشی بۆردومان كرد

پەیام 

ڕووسیا هێرش و بۆردومانەكانی بۆ سەر ئۆكرانیا چڕتر كردووەتەوە و جگە لە پردەكانی پایتەخت كەشتییەكیشی بۆردومان كرد.

لەو میانەیەدا و بەپێی زانیارییە ڕاگەیەنراوەكان دوو پردی لە شاری كیێفی پایتەختی ئۆكرانیا بۆردومان كرد و بە هۆیەوە پردەكان داخران و زیانی زۆریان بەر كەوتووە و قەرەباڵغی هاتوچۆ دروست بووە.

لەوبارەوە وەزارەتی بەرگریی ڕووسیا ڕایگەیاند: ئامانج لە بۆردومانی پردەكان پەكخستنی جووڵەی سوپای ئۆكرانیە.

لای خۆیانەوە بەرپرسانی ئۆكرانیا ڕایانگەیاند: جگە لە پردی باكووری لەسەر ڕووباری دنیبەر لە كیێڤ، ڕووسیا پێشتریش بە فڕۆكەی بێفڕۆكەوان پردی باشووری بۆردومان كردووە، بەو هۆیەوە ئاستەنگی هاتوچۆ لەنێوان هەر دوو بەری پایتەخت دروست بووە.

ئەوە لەكاتێكدایە ترس هەیە لەوەی بەمنزیكانە ڕووسیا هەڵمەتێك بۆ بۆردومانكردنی تۆڕەكانی وزەی ئۆكرانیا دەست پێبكات بەهۆی نزیكبوونەوەی وەرزی زستان، ئۆكرانیاش لە بۆردومانی دامەزراوەكانی نەوتی ڕووسیا بەردەوامە و ترسیشی هەیە هەر هەشت پردەكەی پایتەختی وڵاتەكەی بەئامانج بگرێت.

ئەمەو ڕووسیا بۆردومانكردنی كەشتییەكی باری ئۆكرانی لە ئاوەكانی دەریای رەش ئاشكرا كرد و ڕایگەیاند: باری بە قازانجی سوپای ئۆكرانی بۆ بەندەری ئۆدێسا پێ بووە.