بارانی بەخوڕ دروستبوونی لافاوی لێكەوتەوە و ڕاگەیاندنی پشووش دراوەتە پارێزگاكان

پەیام     

بەهۆی بارانبارینی زۆر و بەخوڕەوە لە شاری هەولێر لافاو لەچەند گەڕەکێک دروستبووە و ئاو چووەتە چەندین ماڵەوە و زیانێكی ماددی زۆری لێكەوتووەتەوە و ژمارەیەك ئوتومبێل ئاو بردوونی.

 بەگوێرەی زانیارییەکانی پەیامنێری پەیام ئاو چووەتە نێو بەشێکی زۆری ماڵەکانی ئەم گەڕەکانەوە: (هیوا ستی، سێبەردان، هەولێری نوێ، پیر ڕەش، گولان، شێخ ئەحمەد)

بەرگریی و فریاکەوتنی هەولێر داوا لە هاوڵاتیانی شارەکە دەکات بۆ کاری زۆر پێویست نەبێت نەیەنە دەرەوە بەهۆی مەترسی لافاوەوە.

وەزارەتی پەروەردەی هەرێمی کوردستانیش ڕایگەیاند، دەسەڵاتی ڕاگەیاندنی پشوو دەدەینە پارێزگاکان و پارێزگا و ئیدارە سەربەخۆکان سەرپشکن لە ڕاگەیاندنی پشوو بەهۆی نالەباریی کەشوهەواوە.