پێشبینی هاتنی شەپۆلێكی بەهێزی باران و دروستبوونی لافاو دەكرێت

پەیام  

 لە ئەنجامی كارلێكی نزمەپاڵەپەستۆی دەریای ناوەڕاست و دەریای سوور لەگەڵ بارستەهەوایەكی سارددا، لە ئێوارەی ئەمڕۆوە كەشوهەوای هەرێمی كوردستان گۆڕانكاریی بەخۆیەوە دەبینێت و بارانی بەخوڕ، تەرزە و هەورەبروسكەی بەهێز ڕوودەدات.
بەگوێرەی پێشبینییە كەشناسییەكان، لەگەڵ دابەزینی بەرچاوی پلەكانی گەرما و زیادبوونی خێرایی با، لە ناوچە شاخاوییە بەرزەكاندا بەفر دەبارێت.

لەم چوارچێوەیەدا، هۆشداری دراوەتە لایەنە پەیوەندیدارەكان كە بۆ ئەمشەو و سبەینێ ئامادەكاریی تەواو بكەن بە مەبەستی بەرگرتن لە هەر ڕووداوێكی نەخوازراو و مەترسییەكانی لافاو.
مەترسیی دروستبوونی لافاو بە پلەی یەكەم لە سنووری پارێزگاكانی سلێمانی، هەڵەبجە، كەركووك، ئیدارەی گەرمیان، شارۆچكەكانی سەیدسادق و دەربەندیخان و ئیدارەی ڕاپەڕین دەبێت.