كەشناسی: لە زۆربەی ناوچەکان باران دەبارێت و پلەكانی گەرماش نزمتر دەبێت

پەیام  
كەشناسیی هەرێم کەشى پێشبینیکراوى 48 کاتژمێرى داهاتووی شارەكانی هەرێمی كوردستانی بڵاوكردەوە و ڕایگەیاند، ئەمڕۆ و سبەی لە زۆربەی ناوچەکان باران بارین دەبێت و پلەكانی گەرماش نزمتر دەبێت.
بەرزترین پلەی گەرما لە گەرمیان 24 پلە و نزمترین پلەش لە حاجی ئۆمەران 10 پلە دەبێت، بەمشێوەیەی لای خوارەوە:-

کەشى پێشبینیکراوى 48 کاتژمێرى داهاتوو
ئەمڕۆ هەینی 06-11-2026
کەش/ ئاسمان لە نێوان نیمچە هەور بۆ هەوری تەواو دەبێت , لە کاتەکانی بەیانی نمە باران و بارانی مامناوەند لە ناوچەکانی پارێزگای دهۆک و ئیدارەی زاخۆ دەبارێت , پاشان بۆ دوایی نیوەڕۆ کاریگەری شەپۆڵەکە درێژ دەبێتەوە بۆ تەواوی ناوچەکانی هەرێم لە زۆربەی ناوچەکان باران بارین دەبێت . لە شەودا هەندێک کات باران بەشێوەی لێزمە باران و هەور بروسکە دەبێت بە تایبەت لە ناوچەکانی ئیدارەی گەرمیان و پارێزگای سلێمانی و هەڵەبجە .
خێراى با / لەسەرخۆ - مامناوەند دەبێت ( 10-20 ) کم/ک لە هەندێک کات کەمێک چالاکتر دەبێت بە تایبەت لەگەڵ هاتنی تاوە باران و بروسکە .
ئاراستەی با / باکووری خۆرهەڵات دەبێت .
مەوداى بینین / لەنێوان ( 7 – 9 ) کم دەبێت . لەکات و شوێنی دابارین لەنێوان ( 5 – 7 ) کم دەبێت.
پلەکانی گەرما / کەمێک نزمتر دەبێت بەراورد بە تۆمارکراوەکانی دوێنێ .
بەرزترین پلەکانی گەرمای پێشبینیکراو بە پلەی سیلیزی :
هەولێر: 22 پلەی سیلیزی
پیرمام: 16 پلەی سیلیزی
سلێمانی: 17 پلەی سیلیزی
هەڵەبجە:21 پلەی سیلیزی
چەمچەماڵ: 22 پلەی سیلیزی
دهۆک: 20 پلەی سیلیزی
زاخۆ: 22 پلەی سیلیزی
گەرمیان:24 پلەی سیلیزی
حاجی ئۆمەران: 10 پلەی سیلیزی
سبەی شەممە 07-11-2026
کەش/ ئاسمان بە گشتی هەوری باراناوی دەبێت , نمە باران و بارانی مامناوەند لە زۆربەی ناوچەکان دەبارێت , هەروەها هەندێک کات باران بەشێوەی لێزمە باران و هەورە بروسکە بێت پێشبینی بەرزبوونەوەی ئاستی ئاو دەکرێت بە تایبەت لە سنووری پارێزگای سلێمانی و دەوربەری پارێزگای هەولێر .
خێراى با / مامناوەند دەبێت ( 15-25 ) کم/ک هەندێک کات چالاک دەبێت بۆ سەرووی 30 کم/ک .
ئاراستەی با / باکووری خۆرهەڵات دەبێت .
مەوداى بینین / لەنێوان ( 7 – 9 ) کم دەبێت . لەکات و شوێنی دابارین لەنێوان ( 5 – 7 ) کم دەبێت.
پلەکانی گەرما / بە نزیکی 1 تـــــا 3 پلە نزمتر دەبێت بەراورد بە تۆمارکراوەکانی ئەمڕۆ .
بەرزترین پلەکانی گەرمای پێشبینیکراو بە پلەی سیلیزی :
هەولێر: 19 پلەی سیلیزی
پیرمام: 15 پلەی سیلیزی
سلێمانی: 15 پلەی سیلیزی
هەڵەبجە:18 پلەی سیلیزی
چەمچەماڵ: 20 پلەی سیلیزی
دهۆک: 18 پلەی سیلیزی
زاخۆ: 19 پلەی سیلیزی
گەرمیان:22 پلەی سیلیزی
حاجی ئۆمەران: 8 پلەی سیلیزی
بەشی پێشبینی 06-11-2026