لامین یەماڵ دوو داواکاری قوڕسی لە هانسی فلیک کردووە

پەیام سپۆڕت - بڕیار تەها

لامین یەماڵی ئیسپانی و بە ڕەچەڵەک غینی پێش نوێکردنەوەی گرێبەستەکەی دوو داواکاری لە هانسی فلیکی ڕاهێنەری یانەی بەرشەلۆنەوە هەبووە.

  یەماڵی 17 ساڵ گرێبەستەکەی لەگەڵ یانەی بەرشەلۆنە تاکو هاوینی 2031 نوێ کردەوە، ڕۆژنامەی موندۆ دیپۆڕتیڤۆی نزیک لە یانە کەتەلۆنییەکەش ئاشکرای دەکات، یەماڵ پێش ئەوەی گرێبەستەکەی نوێ بکاتەوە کۆبوونەوەی لەگەڵ هانسی فلیکی ڕاهێنەر ئەنجام داوە  و دوو داواکاری لەو ڕاهێنەرە ئەڵمانییە هەبوو.

سەرچاوەکە زانیاری زیاتری ئاشکرا کردووە و دەنووسێت؛ داواکاری یەکەمی یەماڵ ئەوە بووە کە هانسی فلیک بۆ داهاتوو لە نیوەی دووەمی یارییەکان کەمتر گۆڕانکاری پێ بکات، یاریزانەکە بە ڕاهێنەرەکەی وتوە لەو خولەکەکانی کۆتایی تیپی بەرانبەر ماندوو دەبێت و دەیەوێت لە خولەکانەدا زیاتر یەکلایی کەرەوە بێت.

داواکاری دووەمی ئەوە بوو، بۆ لیستی ئەو یاریزانانە زیادی بکات کە لێدانی سزا و ڕاستەوخۆکان جێبەجێ دەکەن، تائەوەی ژمارەی گۆڵەکانی زیاتر ببێت و ململانێی خەڵاتە تاکەکەسییەکان بکات.