30/09/2025
439 جار خوێنراوەتەوە
ئێران: به‌شێوه‌ی ڕاسته‌وخۆ و ناڕاسته‌وخۆ په‌یام له‌گه‌ڵ ئه‌مریكا ئاڵوگۆڕ ده‌كه‌ین
په‌یام
وه‌زیری ده‌ره‌وه‌ی كۆماری ئیسلامیی ئێران، ئاشكرای كرد له ماوه‌ی سه‌ردانه‌كه‌یدا بۆ نیویۆرك به شێوه‌یه‌كی ڕاسته‌وخۆ و ناڕاسته‌وخۆ په‌یام له‌نێوان ئێران و ده‌سه‌ڵاتدارانی ئه‌مریكادا ئاڵوگۆڕ كراوه.
به‌پێی هه‌واڵێكی ئاژانسی ته‌سنیمی ئێرانی، عه‌باس عه‌راقچی وه‌زیری ده‌روه‌ی ئێران له كۆتایی هێنان به سه‌ردانه‌كه‌ی بۆ نیویۆرك ڕایگه‌یاند كه كۆبوونه‌وه‌ی زۆر له نێوان ئێران و ترویكای ئه‌ورووپی سكرتێری گشتی نه‌ته‌وه یه‌كگرتووه‌كان و به‌ڕێوه‌به‌ری گشتی ئاژانسی نێوده‌وڵه‌تی وزه‌ی ئه‌تۆمی ئه‌نجامدراون، هه‌وڵێك درا بۆ گه‌یشتن، به‌ڵام به‌هۆی زیاده‌ڕۆیی له داواكارییه‌كانی ئه‌مریكا نه‌گه‌یشتنه ئه‌نجام، هۆكاره‌كه‌ش ئه‌وه‌بوو كه ئێران له‌وێ بوو بۆ به‌رگریكردن له ماف و به‌رژه‌وه‌ندییه‌كانی گه‌لی ئێران و نه‌یانتوانی هیچ ڕێككه‌وتنێك قبوڵ بكه‌ن كه به‌رژه‌وه‌ندییه‌كانی ئێران دابین نه‌كات.
عه‌راقچی ئێران ئاماژه‌ی به‌وه‌دا كه ژماره‌یه‌ك په‌یام له‌گه‌ڵ ئه‌مریكییه‌كان ئاڵوگۆڕ كراون، چ به شێوه‌ی ڕاسته‌وخۆ بێت یان ناڕاسته‌وخۆ، و له كۆتاییدا دڵنیان كه ئه‌وان ئه‌وه‌یان ئه‌نجامداوه كه پێویست بوو.
وتیشی: ئه‌مه‌ش سه‌لماندی كه وته‌كانی پێشووی ڕێبه‌ری شۆڕشی ئیسلامی كه وتوویه‌تی دانوستان له‌گه‌ڵ ئه‌مریكییه‌كان بێئه‌نجامه ته‌واو دروستن.
لە تۆڕە کۆمەڵایەتیەکان شەیری بکە