ترەمپ خۆى بۆ خەڵاتی نۆبڵی ئاشتی ئامادەکردبوو، بەڵام بە ژنە سەركردەیەكی ڤەنزوێلی درا

پەیام 

بەپێچەوانەی خواستی خۆیەوە، خەڵاتی نۆبڵی ئاشتی لە بری سەرۆكی ئەمریكا بە سەركردەیەكی ئۆپۆزسیۆنی ڤەنزوێلی درا.

لە ڕاگەیەنراوێكدا، لیژنەی نۆبڵی نەورویجی ئاشكرای كرد "بەهۆی كارەكانی بۆ بەهێزكردنی مافە دیموكراتییەكان بۆ گەلی ڤەنزوێلی و خەباتی بۆ دەوستاودەستی ئاشتیانەی دەسەڵات لە دیكتۆرییەوە بۆ دیموكراتی، ماریا كورینا ماچادۆی ڤەنزوێلی خەڵاتەكەیانی بۆ ئاشتی بۆ ساڵی 2025 بردووەتەوە".
 
لیژنەی نۆبڵ ڕایشیگەیاند: كاتێك ستەمكاران دەست بەسەر دەسەڵاتدا دەگرن، پێویستە ڕێز لە بەرگریكارە ئازاكانی ئازادی بگیرێت كە بەرەنگاریی دەكەن.

خەڵاتی نۆبڵی ئاشتی، كە نرخەكەی نزیكەی یەك ملیۆن و 200 هەزار دۆلارە بڕیارە لە 11ی كانونی یەكەم، كۆتا مانگی ئەمساڵ كە ساڵیادی كۆچی دوایی ئەلفرێد نۆبڵ دامەزرێنەری خەڵاتەكەیە لە ئۆسلۆ پێشكەش بە براوەكە دەکرێت.

ماریا كورینا ماچادۆ سیاسییەكی ئۆپۆزسیۆنی ڤەنزێلییە، ساڵی ڕابردوویش خەڵاتی سخارۆفی بۆ ئازادی بیر و لە 2018ییش ناوی لە ڕیزبەندی 52هەمین 100 ژنە گوڵبژێرەكەی بی بی سیدا تۆمار كرا.

هەڵبژاردنی سەركردە ڤەنزێلییەكە بۆ خەڵاتی ئاشتی نۆبڵ لەكاتێكدایە دۆناڵد ترەمپ سەرۆكی ئەمریكا بۆ هەمان خەڵات ناوی تۆمار كرابوو و چەندین جاریش خۆی بە شایستە بۆ بردنەوەی خەڵاتەكە ناوهێنابوو.