بەرشەلۆنە پلەی یەکەم و ڕیاڵ مەدرید لە پلەی دووەم دەبینرێت

پەیام سپۆڕت -دروود محەمەد

یانەی بەرشەلۆنە زۆرترین داهاتی لە پەخشی تەلەفزیۆنی یارییەکانی ئەم وەرزەی لایگا بەدەست هێناوە و یانەی ڕیاڵ مەدریدیدیش لە پلەی دووەمدایە.

  ڕۆژنامەی مارکا ڕاپۆرتێکی سەبارەت بە داهاتی پەخشی تەلەفزیۆنی یارییەکانی ئەم وەرزەی خولی ئیسپانی بڵاوکردەوە، یانە کەتەلۆنییەکە بە بڕی 57 ملیۆن یۆرۆ زۆرترین قازانجی دارایی کردووە و پلەی یەکەمی گرتووە.

مارکا باس لەوەش دەکات، ڕیاڵ مەدرید بەروارد بە وەرزی ڕابردوو داهاتەکەی کەمی کردووە و بە کۆکردنەوەی 51 ملیۆن یۆرۆ لە دوای بەرشەلۆنەوە پلەی دووەمی گرتووە، هەرچی یانەی ئەتلەتیکۆ مەدریدیشە بە 44 ملیۆن یۆرۆ لە پلەی سێیەمدایە و ئەتلەتیک بیلباویش بە 37 ملیۆن یۆرۆ لە پلەی چوارەم دەبینرێت.

هەریەکە لە یانەکانی ڤیاڕیاڵ و ڕیاڵ بیتس و سێڵتاڤیگۆ و ڕایۆ ڤایکانۆ و ئۆساسۆنا و ڕیاڵ مایۆرکا لە نێوان 30 بۆ 10 ملیۆن یۆرۆ پلەکانی پێنجەم تاوەکو دەیەمیان گرتووە.