پێش 2 هەفتە
566 جار خوێنراوەتەوە
ئارتێتا خاڵی سەرەکی بۆ ڕکابەریکردن لەسەر نازناوەکان ئاشکرا دەکات
پەیام سپۆڕت - مەڕوان تاڵێب
میکێڵ ئارتێتای ڕاهێنەری ئارسیناڵ خاڵی سەرەکی بۆ
ڕکابەریکردن لەسەر هەموو نازناوەکان ئاشکرا دەکات.
لەمیانەی نوێترین چاوپێکەوتنیدا، سەرەتا ڕاهێنەری گەنەرز
پەیامێکی ئاڕاستەی هاندەران کرد و تی: دەمەوێت پێتان بێڵم زۆر ئەرێنی بن و دڵنیام
ئەم وەرزە دەگەین بە ئامانجەکانمان، من بە ڕێگەی تایبەت و جیاواز هانی
یاریزانەکانم دەدەم، بەڵام لەگەڵ هەر یاریزانێک شێوازی جیاواز بەکار دەهێنم.
میکێڵ ئاماژە بەوەش دەکات، دوای یاریی هەڵبژاردەکان هەر
یارییەک کە ئەنجامی دەدەن وەک یاریی کۆتایی دەبێت، لە ئێستادا زۆر بە جۆش و خرۆشن
و دەست بە ڕکابەرییەکان دەکەنەوە و یاریی مان و نەمان ئەنجام دەدەن.
لە کۆتایدا سەبارەت بە تۆپە جێگیرەکان، ئارتێتا دەڵێت:
بۆ تیپەکەی من یەکلاکەرەوەن، ئێمە زۆر مەشق لەسەر تۆپە وەستاوەکان دەکەین و لە
ئێستادا ئەم خاڵە یەکێکە لە گرنگترین ڕێگاکان بۆ بردنەوە و ڕێژەی سەدا 33ـی هەموو
گۆڵەکانی لە تۆپی پێی ئێستا لە تۆپە جێگیرەوەکانەوە دەکرێت، ئەگەر دەتەوێت ڕکابەری
لەسەر هەموو نازناوەکان بکەیت، دەبێت لە تۆپە جێگیرەکان شارەزا بیت.
لە تۆڕە کۆمەڵایەتیەکان شەیری بکە