12/06/2025
966 جار خوێنراوەتەوە
باڵیۆزخانه‌ی ئه‌مریكا له به‌غدا بۆ هاووڵاتیانی وڵاته‌كه‌ی: گه‌ر گه‌شتتان بۆ عێراق كرد وه‌سێتنامه بنووسن
په‌یام
باڵیۆزخانه‌ی ئه‌مریكا له به‌غدا راگه‌یه‌نراوێكی بڵاوكردوه‌ته‌وه و رایگه‌یاندووه، هاوڵاتیانی ئەمریکی لە عێراق ڕووبەڕووی مەترسی زۆر دەبنەوە، لەوانە توندوتیژی و ڕفاندن. هه‌روه‌ها داوا له هاووڵاتیانی وڵاته‌كه‌ی ده‌كات گه‌ر گه‌شتیان بۆ عێراق كرد وه‌سێتنامه بنووسن.
باڵیۆزخانه‌ی ئه‌مریكا له به‌غدا رایگه‌یاندووه، میلیشیاکان هەڕەشە لە هاوڵاتیانی ئەمریکی و کۆمپانیا نێودەوڵەتییەکان دەکەن. هێرشەکان بە بەکارهێنانی ئامێری تەقەمەنی چەسپاو و تەقەی ناڕاستەوخۆ و فڕۆکەی بێ سەرنشین ئه‌نجام ده‌ده‌ن. وەزارەتی دەرەوە داوا لە کارمەندانی حکومەتی ئەمریکا لە عێراق دەکات کە لە ژێر ئاسایشی تونددا بژین.
باڵیۆزخانه‌كه داوا له هاووڵاتیانی وڵاته‌كه‌ی ده‌كات گه‌ر گه‌شتیان بۆ عێراق كرد ئه‌وا چه‌ند ڕێكارێك بگرنه به‌ر، له‌وانه، پلانی ئاسایشی کەسی بە هەماهەنگی لەگەڵ خاوەنکارەکەت یان ڕێکخراوی میواندارت دابنێ یان بیر لە ڕاوێژکردن لەگەڵ ڕێکخراوێکی ئاسایشی پیشەیی بکەرەوە.
هه‌روه‌ها داوای داڕشتنی وەسیەتنامە و دیاریکردنی سودمەندانی گونجاوی بیمە و/یان بریکاری ده‌كات و له‌گه‌ڵ ئه‌وه‌شدا داوا ده‌كات كه هاووڵاتییه ئه‌مریكییه‌كه، نمونەی DNA به‌جێبهێڵێت بۆ ئه‌وه‌ی لە ئەگەری پێویستدا خێزانەکەی دەستیان پێ بگات بۆ مەبەستی ناسینەوە.
هه‌روه‌ها داواش ده‌كات هاووڵاتییه ئه‌مریكییه‌كه له‌كاتی پێویستدا پلانی ڕۆشتن و ده‌ربازكردنی خۆی هەبێت کە پشت بە هاوکاری حکومەتی ئەمریکا نەبەستن.
لە تۆڕە کۆمەڵایەتیەکان شەیری بکە