کاتی کلاسیکۆی دووەمی لالیگا دیاری کرا

پەیام سپۆرت - بڕیار تەها
ڕێکخراوی خولی ئیسپانی کاتی یاری نێوان بەرشەلۆنە و ڕیاڵ مەدریدی لە قۆناغی دووەمی خولەکە ڕاگەیاند.

 ڕێکخراوی لالیگا بڕیاریدا کلاسیکۆی دووەمی ئەم وەرزە لە ڕۆژی 11ـی مانگی پێنچ، لە کاتژمێر  10ـی شەو (بە کاتی کوردستان) بەڕێوە بچێت.

ئەمە دەبێتە یەکەم کلاسیکۆ کە لە یاریگای "سپۆتیفای کامپ نو" ئەنجام بدرێت دوای نۆژەنکردنەوەی یاریگاکە، چونکە وەرزی ڕابردوو بەرشەلۆنە لە یاریگای "لویس کۆمپانیس" میوانداری ڕیاڵ مەدریدی کردبوو.

لە یاری قۆناغی یەکەمی لە لالیگا، ڕیاڵ مەدرید بە ڕاهێنەرایەتی "چابی ئەلۆنسۆ" (ڕاهێنەری پێشووی یانەکە) توانیبووی بە ئەنجامی 2-1 لە یاریگای "سانتیاگۆ بێرنابیۆ" لە بەرشەلۆنە بباتەوە.

ئێستا بەرشەلۆنە بە 73 خاڵ لە پێشەنگی ڕیزبەندی خولی ئیسپانی دایە، لە کاتێکدا ڕیاڵ مەدرید بە 69 خاڵ لە پلەی دووەمدایە.