سەرۆکی لالیگا دژی بەرشەلۆنە زانیاری بە بیلباو داوە

پەیام سپۆڕت - مەڕوان تاڵیب

هۆکاری شکستهێنانی گواستنەوەی نیکۆ ویلیامزی هێرشبەری ئەتلەتیک بیلباو بۆ بەرشەلۆنە ئاشکرا دەبێت.

 پاش ئەوەی یاریزانەکە جارێکی دیکە بلاوگرانای بێهیوا کرد و بۆندەکەی لەگەڵ بیلباو نوێ کردەوە، میدیاکانی ئیسپانیا هۆکاری شکستهێنانی بۆ بەرشەلۆنە بڵاو کردەوە.
بەپێی زانیارییەکان بێت تێباسی سەرۆکی ڕێکخراوی لالیگا و سەرۆکی بیلباو کۆبوونەوەیەکیان ئەنجامداوە و تیایدا تێباس داتای داراییەکانی بەرشەی خستووەتە بەردەم سەرۆکی بیلباو کە هیچ گرەنتییەک بۆ تۆمارکردنی ناوی یاریزانی نوێ نەبووە.

هاوکات باس لەوەش کراوە، ئەم زانیارییە لە لایەن سەرۆکی بیلباوەوە بۆ ویلیامز و خێزانەکەی نێردراوە و ئەوەش وایکردووە گرێبەستەکە بۆ بەرشەلۆنە شکست بهێنێت.

لە کۆتایدا ئەوەش ڕوون کراوەتەوە، لە ماوەی ڕابردووش بریکارەکەی ویلیامز داوای لە بەرشەلۆنەوە کردبوو، گرەنتی تۆمارکردنی ناوی ویلیامز بکەن، بەڵام ڕەتیان کردبووەوە و دواتر تێباس داتاکەی داوەتە ئەتلەتیک و بە هۆکاری داڕمانی گرێبەستەکە دادەنرێت و ئەگەر بێتوو زانیارییەکە پشتڕاست بکرێتەوە ئەوا تێباس ڕووبەڕووی سزا و دوورخستنەوە دەبێتەوە و ڕەنگە یانە کەتەلۆنییەکە ڕێکاری یاسایی بگرێتە بەر.