13/07/2025
425 جار خوێنراوەتەوە
مەسعود بارزانى و بافڵ تاڵەبانى لە پیرمام کۆدەبنەوە
پەیام
سبەی دووشەممە ١٤ی تەممووزی ٢٠٢٥، کۆبوونەوەی مەکتەبی
سیاسی پارتی دیموکراتی کوردستان و یەکێتیی نیشتمانی کوردستان لە پیرمام بەڕێوەبچێت.
بەپێی زانیارییەکان کۆبوونەوەکە بە ئامادەبوونی
سەرۆکی پارتی دیموکراتی کوردستان مەسعود بارزانی و سەرۆکی یەکێتیی نیشتمانیی
کوردستان بافڵ تاڵەبانی بەڕێوەدەچێت و تێیدا گفتوگۆ لەسەر چەند تەوەرێک دەکرێت.
ئەوەی زانراوە، ناوەڕۆکی کۆبوونەوەکە، بریتییە
لە یەکھەڵوێستی لە بەغدا، پرسی پێکھێنانی کابینەی دەیەمی حکوومەتی ھەرێمی کوردستان
و کێشەی مووچە و ھەناردە کردنەوەی نەوتی ھەرێمی کوردستان.
ئەمە لە کاتێکدایە کە دوایین کۆبوونەوەی نێوان
سەرۆکی پارتی دیموکراتی کوردستان مەسعود بارزانی و سەرۆکی یەکێتیی نیشتمانیی
کوردستان بافڵ تاڵەبانی لە ٤ی ئابی ٢٠٢٢ بەڕێوەچوو.
ھاوکات دوایینجار مەکتەبی سیاسیی پارتی دیموکراتی
کوردستان و یەکێتیی نیشتمانیی کوردستان لە ٢٨ی نیسانی ئەمساڵ و دواتر شاندی
دانوستاکاری ھەردوولا بۆ گفتوگۆکردن لەبارەی پێکھێنانی کابینەی نوێی حکوومەتی ھەرێم
لە ٢١ی ئایار کۆببوونەوە.
لە تۆڕە کۆمەڵایەتیەکان شەیری بکە