03/04/2026
490 جار خوێنراوەتەوە
دەنگدانی ئەنجومەنی ئاسایش لەبارەى پاراستنی گەرووی هورمز دواخرا
پەیام
ئەنجومەنی ئاسایشی نێودەوڵەتی دەنگدانی لەسەر بەكارهێنانی هێز بۆ پاراستنی گەرووی هورمز دواخست.
ئەنجومەنی ئاسایشی نێودەوڵەتی دەنگدانی لەسەر پرۆژە بڕیارێك دواخست كە ڕێگە بە بەكارهێنانی هێز دەدات بۆ پاراستنی ئازادی دەریاوانی لە گەرووی هورمز لە هێرشەكانی ئێران، پرۆژە بڕیارەكە لەلایەن بەحرەین پێشكەشی ئەنجومەنی ئاسایشی نێودەوڵەتی كرابوو.
بڕیار بوو ئەمڕۆ هەینی ئەنجومەنی ئاسایشی نێودەوڵەتی كە پێكهاتوون لە 15 ئەندام دەنگی بدایە لەسەر پرۆژە بڕیارێك بۆ بەكارهێنانی هێز بۆ پاراستنی گەرووی هورمز، بەڵام دواتر دەنگدانەكە دواخرا و وادەی نوێی دەنگدان دیاری نەكراوە.
ئەوە لەكاتێكدایە لەكاردانەوەی هێرشەكانی ئەمریكا و ئیسرائیل بۆ سەر وڵاتەكەی، ئێران گەمارۆی توندی بەسەر گەرووی هورمز سەپاندووە و ئەوە كاریگەری لەسەر بازاڕی نەوت و وزە و ئابووری جیهان دروست كردووە و بووەتە هۆی بەرزبوونەوەی نرخەكان.
لە تۆڕە کۆمەڵایەتیەکان شەیری بکە