"هەزارەها بۆسە و بۆمبی چێنراومان ئامادەكردووە و غــ.ەززە دەبێتە گۆڕستانی سەربازەكانتان"

پەیام

كەتیبەكانی قەسسام ڕایدەگەیەنێت: سوپایەكیان لە كەسانی گیانفیدا و بۆسە و بۆمبی چێنراوی ئەندازیاری بۆ سوپای زایۆنی ئامادە كردووە و شاری غەززە دەبێتە گۆڕستانی سەربازانی زایۆنی. 

لە بەیاننامەیەكدا كە ئاڕاستەی سوپای زایۆنییان كردووە، كەتیبەكانی قەسسام ڕایدەگەیەنن: شاری غەززە نابێتە پارویەكی ئاسان بۆ سوپا ترسنۆكەكەتان، لێتان ناترسین ئامادەین ڕۆحی سەربازەكانتان ڕەوانەی دۆزەخ بكەین.

قەسسام ڕایشیدەگەیەنێت: سوپایەك لە كەسانی گیانفیدا و هەزارەها بۆسە و بۆمبی چێنراوی ئەندازیاریمان بۆ ئامادە كردوون و شاری غەززە دەبێتە گۆڕستانی سەربازەكانتان. 

كەتیبەكانی قەسسام ڕایشیدەگەیەنن: ئێوە دەچنە جەنگێكی سەختی كەمبوونەوەی بەردەوامەوە، كە ڕێژەیەكی زیاترتان لێ‌ دەكوژرێت و بەدیل دەگیرێت. دەشڵێت: موجاهیدەكانمان لەسەر كردنە ناوەوەی بۆمبی چێنراو بۆ نێو شوێنی شوفێرەكانتان لە ئامێرە سەربازییەكان ڕاهێناوە، هەروەها بلدۆزەكانتان ئامانجێكی زۆر باشن بۆ موجاهیدەكانمان و هۆكارێكی باشیشن بۆ زیادبوونی ژمارەی دیلەكانتان لای ئێمە. 

لە كۆتاییشدا دەڵێت: دیلەكانتان بەنێو گەڕەكەكانی شاری غەززەدا بڵاوەیان پێ كراوە و پارێزگاری لە ژیانیان ناكەین كە نەتەنیاهوو خۆی بڕیاری كوشتنی داون، دەستكردن بە ئۆپڕاسیۆنە تاوانكارییەكەتان و فراوانكردنی واتای ئەوەیە تەنانەت یەك دیلیش بەدەست ناهێنن، جا بە زیندویی بێت، یان بە مردوویی، هەموویان چارەنووسیان هاوشێوەی ڕۆن ئاراد دەبێت.