13 کاتژمێر پێش ئێستا
54 جار خوێنراوەتەوە
ترەمپ و شەرع لە نیویۆرك كۆدەبنەوە
پەیام
لە كۆتایی ئەم مانگەدا هەر دوو سەرۆكی ئەمریكا و سووریا لە پەراوێزی كۆبوونەوەكانی كۆمەڵەی گشتیی نەتەوە یەكگرتووەكان كۆدەبنەوە.
تۆڕی هەواڵی (سی بی ئێس)ی ئەمریكی بڵاوی كردەوە: كاركردن لەسەر ڕێكخستنی دیداری نێوان دۆناڵد ترەمپ سەرۆكی ئەمریكا و ئەحمەد شەرع سەرۆكی سووریا لەمیانی كۆبوونەوەكانی كۆمەڵەی گشتیی نەتەوە یەكگرتووەكان لە نیویۆرك بەردەوامە.
لەنێوان 22 تا 30ی ئەم مانگە ئەحمەد شەرع سەرۆكی سووریا بەشداری هەشتاهەمین كۆبوونەوەكانی كۆمەڵەی گشتی نەتەوە یەكگرتووەكان دەكات، ئەمەش بۆ یەكەمین جارە لەدوای نورەدین ئەتاسی لە ساڵی 1967ـەوە كە سەرۆكێكی سوری لە نەتەوە یەكگرتووەكان قسە بكات و یەكەم سەرۆكی سوریاشە بەشداری لە كۆبوونەوەی هەفتانەی كۆمەڵەی گشتی لەسەر ئاستی باڵا بكات.
دیداری شەرع لەگەڵ ترەمپ لە نیویۆرك، دەبێتە دووەمین دیداری ئەو دوو سەرۆكە دوای ئەوەی لە 14ی ئایار، مانگی پێنجی ئەمساڵیش لە سعودیە كۆبوونەوە.
لە تۆڕە کۆمەڵایەتیەکان شەیری بکە