لیستی 10 لەو ڕاهێنەرانە بڵاو دەبێتەوە کە زۆرترین مووچە لە هەڵبژاردەکان وەردەگرن

پەیام سپۆڕت - مەڕوان تاڵیب

لیستی 10 لەو ڕاهێنەرانە بڵاو دەبێتەوە کە زۆرترین مووچە لە هەڵبژاردەکانی جیهان وەردەگرن و کارلۆ ئانچلۆتی پێشەنگی گرتووە.

 ڕاپۆرتێکی نوێی نێودەوڵەتی لیستی 10 ڕاهێنەری هەڵبژاردەکانی جیهان ئاشکرا کردووە کە زۆرترین مووچە وەردەگرن، لە پلەی یەکەم ئانچلۆتی ڕاهێنەری بەڕازیل دێت کە ساڵانەکەی 9.6 ملیۆن یۆرۆیە بە ڕێژەیەکی بەرچاو لە پلەی یەکەم دێت.

هاوکات تۆماس تۆخێلی ڕاهێنەری هەڵبژاردەی ئینگلتەرا 5.9 ملیۆن یۆرۆ وەردەگرێت و لە پلەی دووەم دێت، لەکاتێکدا جولیان ناگلیسمان ساڵانەکەی 4.9 ملیۆن یۆرۆیە لە ڕیزبەندی سێیەم، دواتریش فابیۆ کاناڤارۆی ڕاهێنەری ئۆزباکستان پلەی چوارەمی گرتووە و هەرچی ڕۆبێرتۆ مارتینێزی ڕاهێنەری پۆرتوگالە ساڵانە 4 ملیۆن یۆرۆ بەدەست دەهێنێت.

دیدیە دیشامپی ڕاهێنەری هەڵبژاردەی فەڕەنسا مووچەی ساڵانەی نزیک دەبێتەوە لە 3.8 ملیۆن یۆرۆ و دواتریش مارسیلۆ بێڵسای ڕاهێنەری ئۆرۆگوای 3.5 ملیۆن یۆرۆ و ڕۆناڵدۆ کۆمانی ڕاهێنەری هۆڵەندا بە 3 ملیۆن یۆرۆ و گۆستاڤۆ ئالڤارۆی ڕاهێنەری پاراگوای بە 2.5 ملیۆن یۆرۆ پلەکانی شەشەم تاکو نۆیەمیان گرتووە.

ئەوەی جێگەی سەرنجە لیۆنێل سکالۆنی ڕاهێنەری هەڵبژاردەی ئەرجەنتین کەمترین مووچەی لە نێو ئەو 10 ڕاهێنەرەدا هەیە و لە پلەی کۆتایی ساڵانە 2.3 ملیۆن یۆرۆ وەردەگرێت لەکاتێکدا پاڵەوانی جیهانن تاکو ئێستا.