پێش 1 هەفتە
605 جار خوێنراوەتەوە
مانچستەر سیتی نرخێکی چاوەڕواننەکراو بۆ فرۆشتن لە ڕۆدری دیاری دەکات
پەیام سپۆڕت - مەڕوان تاڵیب
دوای درەوشانەوەی لە مۆندیالی ٢٠٢٦، مانچستەر سیتی نرخێکی
چاوەڕواننەکراو بۆ دەستبەرداربوون لە ڕۆدری دیاری دەکات و سێ یانەی گەورەش کێبڕکێی
بۆ گواستنەوەی دەکەن.
بەپێی زانیارییەکانی ڕۆژنامەی "مۆندۆ دیپۆرتیڤۆ"،
یانەی مانچستەر سیتی داوای 80 ملیۆن یۆرۆ دەکات بۆ فرۆشتنی ئەستێرە ئیسپانییەکەی،
سەرەڕای ئەوەی تەنیا یەک ساڵ لە گرێبەستەکەی ماوە کە لە هاوینی ٢٠٢٧ کۆتایی دێت.
یانە ئینگلیزییەکە دەیەوێت لێهاتوویی یاریزانەکە لە مۆندیالدا
بقۆزێتەوە بۆ بەدەستهێنانی زۆرترین سوودی دارایی لە پڕۆسەی فرۆشتنیدا.
لەم دواییانەشدا پێشهاتی نوێ لەم بابەتەدا ڕوویاندا، کاتێک
وابڵاو کرایەوە جگە لە ڕیاڵ مەدرید یانەکانی بەرشەلۆنە و پاریس سانجێرمانیش
ڕکابەری گواستنەوەی ڕۆدری دەکەن، دوای ئەوەی پێشتر ناوی تەنیا بە یانەی ڕیاڵ مەدریدەوە
بەسترابووەوە.
بڕیاری کۆتایی لە دەستی خودی ڕۆدریدا دەبێت، کە ئێستا لەبەردەم
سێ بژاردەی قورسدایە ئەویش مانەوە لە مانچستەر سیتی بە مووچەیەکی کەمتر یان گەڕانەوە
بۆ خولی ئیسپانی لە ڕێگەی یەکێک لە جەمسەرەکانی کەتەلۆنیا یان مەدرید، یان تاقیکردنەوەی
خولێکی نوێ لەگەڵ پاریس سانجێرمان.
لە تۆڕە کۆمەڵایەتیەکان شەیری بکە