چیزنی هۆکاری گەڕاندنەوەی لێدانە سزاکەی مباپێ ئاشکرا دەکات

پەیام سپۆڕت - مەڕوان تاڵیب

چیزنی پۆڵەندی و گۆڵپارێزی یانەی بەرشەلۆنە هۆکاری گەڕانەوەی لێدانە سزاکەکەی کیلیان مباپێ ئاشکرا دەکات.

 لە یەکەمین کلاسیکۆ ئەم وەرزەی لالیگا یانە شاهانەییەکە توانی بە دوو گۆڵ بەرانبەر گۆڵێک براوە بێت، لە یارییەکەدا هەرچەندە مباپێ گۆڵێکی تۆمار کرد، بەڵام لێدانێکی پێناڵتیشی لەدەست دا.

سەبارەت بە گەڕاندنەوەی ئەو لێدانە سزایە، چیزنی وتی: پێش هەر یارییەکی گرنگ پێداچوونەوە بە 20 لێدانی سزای تیپی بەرانبەر دەکەم کە دوو تاکو سێ یاریزانی سەرەکی ئەو یانەیە جێبەجێی دەکرێت، هەندێکجار دەتوانێت ئەوە یارمەتیدەرێکی زۆر باشت بێت و ئەوەی دەمێنێتەوە لە کۆتایدا دەبێت دوعا بۆ تۆپەکە بکەیت گۆڵ نەپێکێت.

گۆڵپارێزەکەی بلاوگرانا دەشڵێت: دەمزانی کیلیان مباپێ تۆپەکە ئاڕاستەی ئەو شوێنە دەکات، چونکە دوایین لێدانی سزا کە جێبەجێی کردبوو دژی من لە کلاسیکۆی 4-3 وەرزی ڕابردوو بەو شێوەیە بوو، بۆیە زۆر ڕوون بووم کە دەتوانم بیگەڕێنمەوە و لە قۆناغی متمانە بەخۆبوونێکی زۆر بەرزدا بووم.

لە کۆتایدا چیزنی ئاماژە بەوە دەکات، هەریەک لە بوفۆن و نویەر و لیڤ یاشین و پیتەر چیک و خۆی وەک باشترین پێنج گۆڵپارێزی مێژوو ناو برد.