02/05/2026
462 جار خوێنراوەتەوە
ڕیاڵ مەدرید تواناکانی یاریزانێکی گرنگی بۆ کلاسیکۆ لەدەست دا
پەیام سپۆڕت - مەڕوان تاڵیب
دانی کارڤاخاڵی بەرگریکاری ڕیاڵ مەدرید بەهۆی پێکانەوە
بەشداری یاریی کلاسیکۆ ناکات.
یانە شاهانەییەکە لە بەیاننامەیەکی فەرمیدا، پێکان و
دوورکەوتنەوەی دانی کارڤاخاڵی بۆ ماوەیەک ڕاگەیاند.
یانەکە لە بەیاننامەکەیدا ئەوەی خستەڕوو، دوای ئەنجامدانی
پشکنینە پزیشکییەکان بۆ کارڤاخاڵ لەلایەن تیمی پزیشکی ڕیاڵ مەدریدەوە، دەرکەوتووە
کە یاریزانەکە تووشی شکاوی بووە لە پەنجەی پێنجەمی پێی ڕاستیدا و چاودێری بەردەوامی
دۆخی تەندروستی دەکرێت.
ڕاپۆرتە ڕۆژنامەوانییەکانی ئیسپانیا ئاشکرای دەکەن، پێشبینی
دەکرێت کارڤاخاڵ بۆ ماوەی دوو هەفتە لە یاریگاکان دووربکەوێتەوە.
بەمەش دڵنیابووەوە کە ئەم بەرگریکارە لە یارییەکانی بەرانبەر
ئیسپانیۆل، بەرشەلۆنە لە (کلاسیکۆ)، ڕیاڵ ئۆڤیدۆ و ئیشبیلیە بەشدار نابێت، بەڵام ئەگەری
هەیە بۆ کۆتا یاریی خولی ئیسپانیا بەرانبەر ئەتلەتیک بیلباو لە 24ـی ئەم مانگە
بگەڕێتەوە.
لە تۆڕە کۆمەڵایەتیەکان شەیری بکە