ڕاوێژكاری دارایی سوودانی: ئابووری عێراق سەقامگیرە و هەڵاوسانیش بۆ 2.5% دابەزیوە

پەیام 

ڕاوێژكاری دارایی سەرۆكوەزیرانی عێراق دووپاتی كردەوە: نرخی فەڕمی ئاڵوگۆڕی دراو بە 1320 دینار جێگیرە و بەرزبوونەوە و نزمبوونەوەكانی ئەمدواییە هیچ كاریگەرییەكی بەرچاوی نەبووە، هەروەها ئابووری عێراق سەقامگیرە و هەڵاوسانیش بۆ 2.5% دابەزیوە.

لە لێدوانێكیدا بۆ ئاژانسی هەواڵی عێراق، مەزهەر محەمەد ساڵح ڕاوێژكاری دارایی سەرۆكوەزیرانی عێراق ئاماژەی بەوە كردووە: ئەوەی لە چەند ڕۆژی ڕابردوودا لە بازاڕی ئاڵوگۆڕی هاوتەریبدا ڕوویدا، هیچ نییە جگە لە بەرزونزمییەكی كتوپڕ و كاتی و لە ئەنجامی زانیارییە نادروستەكانەوە دروست بووە.

دەشڵێت: ئەو هەڵاوسانەی پێشتر باسمان كرد لە نرخی دۆلار بەرانبەر دینار لە بازاڕی هاوتەریبدا، كاریگەرییەكی بەرچاوی لەسەر سەقامگیریی ئاستی نرخی گشتی نەبووە، بەو پێیەی سیاسەتی دراو بەردەوامە لە گەیشتن بە ئامانجە كارگێڕی و مامناوەندەكانی.

مەزهەر محەمەد ساڵح ڕاشیگەیاند: سیاسەتی نرخی ئاڵوگۆڕی جێگیر سیاسەتێكی پەسەندكراوە لەسەر بنەما بنەڕەتییەكان، یەدەگی بیانی پشتگیری لە سەقامگیری نرخی ئاڵوگۆڕی فەرمی دەكات كە بۆ هەر دۆلارێك هەزار و 1320 دینارە.